Ernest Edwin Morton Nance

Ernest Edwin Morton Nance
Genys	28 Gortheren 1909
Mernans	8 Gortheren 2002
Soodh	Kannas Bardh Meur
Eseleth	Gorsedh Kernow

Ernest Edwin Morton Nance, (28 Gortheren 1909 - 8 Gortheren 2002), aswonys ynwedh avel Tony, o ynjynor, bardh ha prydydh Kernewek. Kannas Bardh Meur an Orsedh o ev yntra 1982-1988. Gwas Gwethnok yw y hanow bardhek.

Brith kenedhlek Kernow, desinys gans E.E.Morton Nance

Genys veu Morton Nance yn 1909 yn Kardydh, Kembra dhe Alwyn Morton Nance ha Kathleen Mary née Mollard. Ev o an tressa mab ha pympves flogh a hwegh dhedha. Y das o broder kottha Robert Morton Nance, bardh meur ha skolheyk Kernewek. Y teuth E.E.Morton Nance ha bos ynjynor, owth oberi avel isynjynor yn Gorsav Diwiver Bosvenegh. Berdhys veu avel esel Gorsedh Kernow yn 1934 gans an hanow bardhek Gwas Gwethnok. Esel gweythresek o a Dyr ha Tavas, hag ev a vedha redya dyskansow yn servisyow eglos y'n 1930ow. Morton Nance o kannas an Orsedh ynter 1982 ha 1988.

Yn 1936 ev a dhemedhis Edith Alice Bennett yn Treavon, Lannwedhenek. I a gavas tri flogh.

Yth esa bern arbennik dhe Morton Nance yn brith kernewek. Ev a skrifas kan a-dro dhodho An Brythen Kernewek. A-dhia 1902 pan wiskas L.C.R. Duncombe-Jewell brith yn Esedhvos Bangor, du o liw an brith, Y'n 1960ow, ev ha Donald Rawe a dhesinyas dew vrith nowydh, ow fondya kowethyans gwertha brith kernewek. Mab Morton Nance, Peter, a venester an kowethyans lemmyn.