Zirkoniom

Ensampel a	Elven gymyk, polter helosk, lithophile
Klass	alkan tremenyans, period 5
Furvell gymyk	Zr
Dydhyas diskudhans	1789
Niver atomek	40
Aray an elektrons	[Kr] 4d² 5s²
Elektronegedhegedh	1
Studh oksidyans	4
Rann a	period 5, bagas 4
	Restrennow kelmys war Gemmyn Wikimedia

Elven gemyk ew zirkoniom, niver 40 e'n Vosen Beriodek. Y arwodh gemyk ew Zr. An hanow a dheu dhort hanow an moon zirkon (dhort an ger Persek zar-gun, ow styrya 'haval dhe owr'). Kevys ew zirkoniom en spektrum ster klass-S, meyn kawos ha karrygi dhort an Loor. Nag eus radn vewoniethel dhe zirkoniom, bes nag ew y holanow gwenonek.

Ema zirkoniom en gebmow zirkon, feth hag veu diskudhys en 1789 gen Martin Heinrich Klaproth (1743-1817). Syr Humphrey Davy a assayas enyshe zirkoniom der elektrolysans, bes ev a wrug fyllell. Enyshes veu zirkoniom rag an kensa pres en 1824 gen Jöns Jacob Berzelius (1779-1848). Kalish ha brottel ew olkan zirkoniom mar nag ew pur, bes es y dhyghtya ew an olkan pur.

An chif monyow ew zirkon (ZrSiO₄), kevys en Ostrali, an Statys Unys ha Shri Lanka, ha baddeleyit (zirkoniom oksid, ZrO₂), kevys en Brasil. Askorrans ollvesek ew a-dro dhe 7,000 tonnas an vledhen. Usys ew en priweyth, daffar hag a worthsevel tobmder pekara fornow, gweder, kemygednow ha kesolkenyow. Usys ew priweyth gwres a zirkoniom avel kellyl, gwelsow ha daffar golf. Gwerthys ew zirkonow avel gebmweyth ewedh. Usys ew an brassa radn a askorrans ollvesek an olkan en dasoberoryon nuklerek.

Poos atomek zirkoniom ew 91.22, y boynt teudhi ew 1852°C ha'y boynt bryjyon ew 4377°C. Y dhosedh ew 6.5kg an liter. Olkan kalish lenter arhansek ew, ow korthsevel kesknians en ta.