An Spektrum Elektrotennvenek
Efander an menowghedhyow a dhewynnyans elektrotenveynek ew an spektrum elektrotenveynek (an spektrum elektrotennvenek e'n FSS (Kres)). An menowghedhyow a wra varya yntra le ages udn herts hag a-ugh dhe 1025 herts (kebmys ha todnhysow a vilyow a gilometrow dhe le ages treuslinen nuklesen atomek). Rynnys ew an spektrum dhe vondow, pub onen gen hanow dyffrans. Ema dhe bub bond teythi dyffrans, pekara'n fordh mayth enjei askorrys, an fordh a effeythons mater ha fatel enjei usys.
Devnydh dewynnow elektrotenveynek
[golegi | pennfenten]- Dewynnow radyo - E hwrer devnydh a dhewynnow radyo dhe dhanon towlennow radyo ha pellwolok.
- Korrdonnow - Devnydh korrdonnow ew kegina boos dre amovya molekulennow dowr.
- Dewynnyans isrudh - An dewynnow ma a wra movya tobmder a’n Howl dhe’n Norvys.
- Golow gweladow - Hebm ew an golow a alloseg dhe nei gweles.
- Dewynnyans ughviolet - Dewynnow a howllesk agas kroghen ew dewynnyans ughviolet.
- Dewynnow-X - E hwrer devnydh a dhewynnow-X en klavjiow dhe jeckya studh eskern.
- Dewynnow gamma - E hwrer devnydh a dhewynnow gamma dhe dhisynklevya frooth.
Fatel helerghir dewynnow elektrotenveynek
[golegi | pennfenten]Marnas golow gweladow, an kensa diskudhans a dhewynnans elektrotenveynek a veu en 1800 pan dhiskudhas William Herschel dewynnyans isrudh. Kens pedn bledhen, e tiskudhas Johann Ritter dewynnow ughviolet. Erbynn lebmyn, ema skiensydhyon owth usya pellweloryow en pub bond an spektrum.
Ma an erthygel ma usya an Furv Skrifys Savonek a-barth Kernowek diwedhes.