Jump to content

Jodrell Bank

Dhyworth Wikipedya, an godhoniador rydh
Jodrell Bank
Sort mirji steroniethel Edit this on Wikidata
Henwys dhyworth William Jauderell Edit this on Wikidata
Ygeryans sodhogel 1945 Edit this on Wikidata
Doronieth
Konteth Cheshire Edit this on Wikidata
Gwlas Ruvaneth Unys Edit this on Wikidata
Arenebedh 17.38 ha, 18,569.22 ha Edit this on Wikidata
A-ugh an mor 77 Meter Edit this on Wikidata
Kesordnogyon 53.2363°N 2.3071°W Edit this on Wikidata
Menystrys gans Pennskol Manchester Edit this on Wikidata
Map
Perghenogeth Kresen Jodrell Bank rag Sterfysegieth Edit this on Wikidata
Studh ertach Ertachva an Bys UNESCO Edit this on Wikidata
Manylion

Ertachva an Bes UNESCO ew Sterva Jodrell Bank, dyghtys gen Universita Manchester, bes desedhys en Konteth Cheshire, Ruvaneth Unys. Kuntel ew a deleskopow radyo, ha radn ew a Gresen Jodrell Bank rag Sterfysegieth en Universita Manchester. Fondys veu en 1945 gen Bernard Lovell, steronydh radyo, rag hwithra dewydnow kosmik. Woja hedna, pur bosek veu an sterva rag hwithrans en parkow meyn kowas, kwasarow, pulsarow, maserow ha lensow gravedhek. Pan dhallathas an Oos Efanvos en 1957, posek veu an sterva rag helerghi tavellow efanvos. Apoyntys veu avel Ertachva an Bes UNESCO en 2019.

Pellweloryow

[golegi | pennfenten]

Chif teleskop an sterva ew Teleskop Lovell, derevys en 1957. Y dreuslinen ew 250 tros-hes (76m), an treja moyha e’n Bes. Ma tri theleskop aral e’n sterva, an Mark II (treuslinen 125 tros-hes (39m)), ha dew deleskop bian gen treuslinednow a 13m ha 7m. Pednplas rag MERLIN (Multi-Element Radio Linked Interferometer Network) ew Jodrell Bank. Junys ew an teleskop Lovell dhe erel rag furvya mellyansell (interferometer). Jodrell Bank ew radn a’n rosweyth VLBI (Very Long Baseline Interferometry) ewedh, pan wrello teleskopow a-dreus Europa omjunya.

An Kuntel Kilometer Pedrek

[golegi | pennfenten]

En 2011, dewisys veu Jodrell Bank avel pednplas SKA (Square Kilometre Array – Kuntel Kilometer Pedrek). Hebm a vedh an teleskop radyo moyha gallojek nevra woja y dherevyans en Ostrali hag Afrika Dyhow.

Tornyaseth

[golegi | pennfenten]

Ygerys veu kresen vysytoryon ena en 1971, hag a dedn dres 100,000 a vystyoryon pub bledhen. Enni, ma diskwedhyansow a-dro dhe steronieth ha’n efanvos, bosti ha lowarthow.

Ma an erthygel ma usya an Furv Skrifys Savonek a-barth Kernowek diwedhes.