Ternieth Ming
.svg)
| Darn a | Ming Qing  |
|---|---|
| Dalleth | 1368 |
| Hanow sodhogel | 大明 |
| Label teythyek | 大明 |
| Yeth sodhogel | Chinek |
| Brastir | Asi |
| Penncita | Yingtian Fu, Yingtian Fu, Shuntian Fu, Shuntian Fu |
| Tyller kesordenek | 32°48′0″N 103°5′0″E |
| Furv selyek a wovernans | myghternses ollgallosek |
| Mona kemmyn | bimetallism, Da Ming Baochao |
| Y sew | ternieth Yuan, Osow Kres Chinek |
| Arlehes gans | ternieth Shun, ternieth Qing, ternieth Ming Soth |
| Yth arleha | ternieth Yuan, Song, Emperoureth Vongol |
| Yeth usys | Chinek |
| Diwedhys | 1644 |
| Kryjyans sodhogel | Bouddhisteth, Taoieth, Confusianieth |
| Istori an desten | istori ternieth Ming |
Ternieth Ming (/mɪŋ/) o ternieth emperourethek a Jina hag a rewlyas a 1368, wosa kodh ternieth Yuan ledys gans an Mongols, bys yn 1644. Ternieth Ming o an diwettha ternieth ewn a Jina rewlys gans an Han, an brassa bagas ethnek yn China. An hanow yw usys ynwedh dhe styrya Emperoureth Ming ledys gans an Ming hag an 276 bledhen a istori chinek duryes gensi.
Ming yw skrifys avel 明 yn Chinek; an lytheren yw howl (日) ha loor (月) war-barth hag a styr "splann". An teylu a ledyas China dres ternieth Ming o an Zhu, skrifys avel 朱 yn lytherennow chinek.
Fondyer ternieth Ming, Emperour Hongwu (r. 1368–1398), genys avel Zhu Yuanzhang, a assayas gwruthyl kowethas a gemenethow powek honenlowr restrys yn kevreyth diwedhyn hag a wrussa skoodhya renkas fast a soudoryon rag y dernieth. Lu an dernieth o brassa ages milvil soudor ha lestrivaow an morlu yn Nanjing o an brassa y'n bys. Yth esa lies mab dhe Emperour Hongwu hag ev a wrug dhedha bos ledyoryon an 13 ranndir a Jina.
Penncita soth an Emperoureth o Nanjing a 1368 ha penncita north Beijing a veu keworrys yn 1403. Penncita chyf Beijing an Ming a veu fethys yn 1644 dhe dhomhwel ledys gans Li Zicheng neb a fondyas ternieth Shun. Tus kelmys dhe dernieth Ming a besyas batalyas avel Ming an Soth bys yn 1683.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |