Bagas ethnek

Dhyworth Wikipedya, an godhoniador rydh
Jump to navigation Jump to search
Onan a'n bagasow ethnek yn Fynndir ha powyow erel yw an dus Sami.
Onan a'n bagasow ethnek yn Fynndir ha powyow erel yw an dus Sami.
Bagasow ethnek dyffrans yn Bangladesh.
Bagasow ethnek dyffrans yn Bangladesh.

Bagas ethnek yw bagas a dus a wra omunya an eyl gans y gila war sel teythi kevrennys a wra dyffrans an bagas a vagasow erel kepar ha sett kemmyn a hengovyow, hengerens, yeth, istori, kowethas, gonisogeth, kenedhel, kryjyans po dyghtyans sosyel y'ga ranndir. An ger 'ethnek' a dheu der an Sowsnek a'n ger Greka ἔθνος ethnos a styr "kenedhlek".

Ethnekter a yll bos studh eritys po selys war an kowethas le may trigir ynno. Dre vras, eseleth a vagas ethnek yw styrys gans ertach gonisogethek kevrennys, hengerens, myth devedhyans, istori, mammvro, yeth po rannyeth, kevreythyow arwedhek kepar ha kryjyans, mythologieth ha devos, keginieth, gis, art po semlant fisegel. Pella, bagasow ethnek yw styrys ynwedh gans genynnek. Yn fenowgh, bagasow ethnek a bes kewsel yethow kelmys.

Yn termyn eus passys, re a welas bagasow ethnek avel taklow gwir ha pythek gans teythi diblans a dhuryas a-ban kotheneb. Wosa an 1960s, savleow a dhisplegyas a wel bagasow ethnek yn moy menowgh avel tybyansow sosyel gans honanieth settys gans rewlys kowethasek.

Treweythyow, ogas hag oll an dus usi ow triga yn unn pow yw a'n keth bagas ethnek, mes yn fenowgh yma lies baga ethnek dyffrans dhe unn pow. Ynwedh, an dus a unn bagas ethnek a yll triga yn lies pow dyffrans.

An Kevanbos Keswlasek a-barth Gwiryow Kemyn ha Politek afydhys gans an Kenedhlow Unys a surha an gwiryow a vagasow ethnek yn-dann Erthygel 27 ha ri dhedha ynwedh an gwir dhe dhevnydhya aga yeth aga honan.

An Kernowyon yw bagas ethnek keltek ha kenedhel teythyek dhe Gernow ha, herwydh an pyth yw skrifys, lyhariv kenedhlek aswonys y'n Ruvaneth Unys a yll sewya aga gwreydh dhe'n hen Brythonyon esa trigys yn Breten Veur soth ha kres kyns an Romanyon.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.