Te

Dhyworth Wikipedya, an godhoniador rydh
Jump to navigation Jump to search
Delyow te a seg yn hanaf chinek.

Te yw diwes meurgerys dres oll an bys. Te yw gwrys dre segi delyow po bleujennow seghys an les Camellia sinensis yn dowr pooth. Yn fenowgh, te a yll kavos losowys erel, spisys po saweryow froeth ynno, kepar ha lymmaval.

Treweythyow, an ger "te" yw usys rag diwosow erel a veu gwrys dre segi froeth po losowys yn dowr pooth, kepar ha "te rooibos" po "te kamomil". Hemm yw henwys "te losowek".

Rywyow te[chanjya | pennfenten]

Yma dew ryw chyf a de: te du ha te glas.

Rag gul te du, gweythoryon a gemmer an delyow ha'ga lesa war estyll le may hallo an delyow seghi. Nessa, i yw rolys ha drelys. A-wosa, i yw gorrys yn stevel le may sugnons oksigen. Dasoberyansow kymyk a janj sawor ha gis an te. Gordhiwedh, an delyow yw seghys gans ayr pooth bys pan dreylyons gorm po du. Meur a de du a dheu a Shri Lanka, Indonesi hag Africa est.

Te glas yw gwrys dre worra delyow kro yn ethenell a with an delyow glas. Ytho, an delyow yw skwattys ha seghys yn fornow. Eynda yw an brassa gwrier hag an brassa devnydhyer a de glas.

Te yw tevys dres oll yn China, Eynda, Pakistan, Shri Lanka, Taywan, Nihon, Nepal, Ostrali, Arghantina ha Kenya.

Braga[chanjya | pennfenten]

Res yw segi te glas dres 2–3 mynysen yn dowr 80-85 °C (176-185 °F). Res yw segi te du dres 3–5 mynysen yn dowr ow pryjyon.