Taves tewes

Klass	barrier beach
Rann a	arvor gradhegys
	Restrennow kelmys war Gemmyn Wikimedia

Taves tewes yw tirfurv gwrys orth an mor godhesa. I a dhispleg pan wrello dryft an glannow treusberth godhes a-dreus baya po aber. An donn a way grow a-bann an treth war elin (golgh yw hemma) pan ny wrello tonnow metya an treth yn ewn, mes gravedh a’y dhehwel yn kompes (aswolghes). Y’n fordh na, pub tonn a way grow tamm a-hys an treth. Treweythyow morlynn a furv a-dryv an taves tewes, a janj dhe vorva dres termyn. Pan wrello tu an treth chanjya, dryft an glannow a dheu le gallosek, ytho droppys yw rann a'n godhes, ow keworra dhe'n taves tewes. Wosa termyn, glasneth a dhalleth tevi, ow kul an taves tewes fast. Taves tewes hag a wra junnya enys dhe’n tir meur yw tombolo. Lettys yw dryft an glannow dre dhevnydh groynys.

Tavesow tewes a vri a-derdro'n Bys[golegi | pennfenten]

An taves tewes hirra y'n Bys yw Taves Tewes Arabat y'n Mor Azov gans hirder a 110km.

An taves tewes hirra yn lynn yw Long Point, Ontario, gans hirder a 32 km yn Lynn Erie.

Aswonys yn ta yw Pentir Spurn yn aber Humber gans hirder a 4.8km. Unn aral yw Treth Chesil yn Dorset, ow junya Enys Portland dhe'n tir meur.

Kuršių Nerija po Taves Tewes Curonian, rann anodho yn Lithouani ha rann yn Kaliningrad Oblast, Russi, yw desedhys y'n Mor Baltek, gans hirder a 98km.

Kuršių Nerija, taves tewes ynter Russi ha Lithouani
Taves tewes Dungeness yn Kulvor Juan de Fuca war arvor north-west an Statys Unys.
Taves tewes Farewell war Enys Soth Mordir Nowydh
Mappa Taves Tewes Kuršių Nerija
Treth Chesil, Dorset