Park Kenedhlek Kuršių Nerija

Park Kenedhlek Kuršių Nerija
Sort	park Kenedhlek
Fondys	1991
Doronieth
Konteth	Konteth Klaipėda
Gwlas	Lithuani
Arenebedh	26,474 ha
War oryon	Curonian Spit National Park
Kesordnogyon	55.481°N 21.097°E
	Restrennow kelmys war Wikimedia Kemmyn
	[edit on Wikidata]

Park Kenedhlek Kuršių Nerija ew park kenedhlek en Lithuani West, onan a bymp e’n wlas. Apoyntys veu ye 1991 rag gwitha taves tewes ha morlyn (an Curonian Spit en Sowsnek). Hirder an taves tewes ew 98km, ha'n park a gomprehend an 52km pella dhe’n gogledh. En Russi ew an remenans. Ertachva an Bys UNESCO ew ewedh.

Furvyans

Hwedhel koth Lithuanek a lever dell veu furvyes an taves tewes gen kowres henwys Neringa, neb a waria war an arvor.

Istori

Desedhys e’n tiredh ma o Kaup, kresen bosek pagan war an for' amber (kors kenwerth). Woja trehi an kosow e’n Kresosow, tewydnow a worheri niver a wigow. Dasgoswiga a sewyas woja 1825. An dreveglos Nidden (henwys Nida lebmyn) a dheuth gerys-da gen limnoryon woja 1890. Liwyoryon a bris neb a wodriga ena a gomprehend Louis Corinth, Ernst Kirchner, Max Pechstein ha menegesydhyon erel. En Rybachy fondys veu mirji ydhyn, an kensa e’n bes. Woja diwedh an Kesunyans Sovietek, tornasyeth a dheuth pur bosek dhe’n tiredh.

Ekosystem

Obma ma an tewydnow gweythresek uhella en Europa (ughder kresek dres 35m gen nebes anodhans dres 60m). Pur bosek enjei rag ydhyn divroa, hag ema niver a ekosystemow dyffrans, dhort an treth, dre dewydnow, kenegi, prasow ha lydnow dhe'n morlyn meur.