Syri

Dhyworth Wikipedya, an godhoniador rydh
(Daskedyes dhyworth Surri)
Lamma dhe: kevrennow lewya, hwilas
الجمهوريّة العربيّة السّوريّة
Al-Jumhūriyyaḧ al-ʻArabiyyaḧ as-Sūriyyaḧ
Baner Syri Kota Arvow Syri
(Baner Syri) (Kota Arvow Syri)
Lavar kenedhlek: nagonan
Desedhans Syri
Yeth soedhogel Arabek
Pennsita Dimashq
Brassa sita Dimashq
Lywydh Bashar al-Assad
Pennmenyster Muhammad Naji al-Otari
Enep 185,180 km²
Poblans (2005)
- Doesedh
18,448,752 a drigoryon
100 triger/km²
Anserghogeth 17 Ebrel 1946
Mona kemmyn Peuns
Amser UTC +2
Kan genedhlek Homat el Diyar
Kodenn kesroesweyth .sy
Kodenn pellgowser +963

An Repoblek Syrian Arabek yw gwlas yn Asi West. Syri arnowydh a waynyas hy anserghogeth dhiworth Pow Frynk yn 1946, mes pur kottha yw gonisogeth gwreydh Syri. Pennsita an Emperoureth Umayyad o Dhimashq, ha kyns henna kres Emperoureth an Selewkydys o yn Syri. Hwarheansow Mesopotami ha Foenisi a vleujyowas yn Syri; aga lytherennek Ugaritek ha Foenisek re dhros dalleth dhe re an Rekys, Romanyon ha Slavyon.

An vrassa rann (dro dhe 90%) a bobel Syri hedhyw yw Arabyon, y'ga mysk 400 000 a foësigyon Balestinek. Kurdys a wra 9% a'n poblans, hag i ow triga dre vras yn Borlewen an wlas. Yma poblansow merkyadow a Assyryon hag Armenyon. Arabek yw taves soedhogel an stat; hwath pella, kenedhlogeth Arabek yw fondyans ideolojek an parti ow rewlya, h.y. an Parti Sosyalistek Arabek Ba'ath.

Islam yw an kryjyans a 90% a'n dus; dre vras Sunnityon poken Alawityon yw an poblans muslumanek; le yw niveryow a Dhrusyon ha Shi'ityon. Kristoneth yw kryjyans nebes 10% a'n drigoryon – Orthodoks ha Katholik yw an brassa sektys.

A-barth an bennsita Dhimashq, an sitys poesek a Syri yw Haleb, Latakya, Homs ha Hama. Brassa niver an dus a drig yn Howlsedhes an wlas ryb an arvor, poken ryb Dhowr Ewfratys y'n Borlewen.

Ysrael a gemmeras an Ugheldiryow Golan dhiworth Syri yn bresel 1973; kontrarion hwerow yw Syri hag Ysrael hwath.