Skantlyn:Kernow dre jons/1
Kernow yw kenedhel, radnvro ha dugeth e'n soth west a Vreten Veur, e'n Ruwvaneth Unys. Yma hy emlow gans an Mor Keltek dhe'n north, an Mor Bretadnek dhe'n soth, ha Dewnans, conteth Pow Sows, dhe'n est. Truru yw hy fedncita.
An Gwlascor Kernow keltek anserhek a wrug omdhisqwedhes woja perhenegy Dumnonia gans an Sowson e'n 8ves cansvledhen. A-dro dhe'n 11ves cansvledhen, Kernow a veu sugnys en Curun Pow Sows, kensa avel yurleth, nessa avel dugeth. An 16ves cansvledhen a welas sordyansow warbydn rewl dre Bow Sows, ha peryl rag an yeth kenedhlek, an Kernowek. Warbydn an 18ves cansvledhen, Kernow o gyllys ewngemyskys gans Pow Sows, ha'n yeth o namna verwys.
Hedhyw, yma Kernow ow pesya mentena hy gonisogeth, ertach ha yeth dyblans, hag yma lies bagas ha meur a Gernowyon ow cul caskergh rag ajon a Gernow avel kenedhel ha'n Gernowyon avel pobel.