Samariom
 | |
 | |
| Ensampel a |
Elven gymyk  |
|---|---|
| Furvell gymyk |
Sm |
| Dydhyas diskudhans |
1879 |
| Niver atomek |
62 |
| Elektronegedhegedh |
1.17 |
| Rann a |
lanthanid, period 6 |
 Restrennow kelmys war Gemmyn Wikimedia | |
Elven gemyk ew samariom, niver 62 e'n Vosen Beriodek. Y arwodh ew Sm. An hanow a dheu dhort samarskit, an moon ma feu kevys etto rag an kensa pres. Onan a'n elvednow dor-tanow, po lanthanid ew samariom. Nag eus radn dhe samariom e'n korf denel. Nag ew gwenonek bes holanow samariom a wra serri an lagasow ha krohen. Medhegneth gorthkanker ew samariom (153Sm) leksidronam (hanow merk: Quadramet).
Diskudhys veu samariom gen Paul-Émile Lecoq de Boisbaudran en Paris en 1879 dhort an moon samarskit (henwys veu samarskit rag enora Vassili Samarsky-Bykhovets, ynjydnor bal a Russi). Boisbaudran o diskudhor galliom ha dysprosiom ewedh. Kevys ew samariom en monyow dor-tanow erel, pekara monazit. Askorrys ew a-dro dhe 700 tonnas an vledhen. Usys ew gen kobalt rag gul kesolkenyow tednvenek (10,000 gweyth moy tednvenek enjei ages horn), en arbednek en fornow korrdon. Usys ew samariom oksid en priweyth ha rag gul gweder hag a wra sugna dewydnyans isrudh. Avel gwernis usys ew en laserow ha maserow (kebmys dhe laserow bes owth usya korrdodnow - possybyl ew maserow dhe dreghi dur hag aslabma dhort enep an Loor). Katalydh dhe'n diwysyans plastek ewa ewedh.
Poos atomek samariom ew 150.36, y boynt teudhi ew 1077°C ha'y boynt bryjyon ew 1790°C. Y dhosedh ew 7.52kg an liter. Olkan gwydn-arhansek ew.
Mirva
[golegi | pennfenten]-
Paul-Émile Lecoq de Boisbaudran -
Samarskit -
Skovarnigow gen tednveyn samariom -
Kesweyth samariom (153Sm) lexidronam (medhegneth gorth-kanker)
Ma an erthygel ma usya an Furv Skrifys Savonek a-barth Kernowek diwedhes.