Braster
 | |
| Ensampel a |
ollvys  |
|---|---|
| Konter a |
gorthbys |
| Acheson |
Bom bras |
| Dallethys |
13799 millennium BC |
| Synsys ynno/i |
efanvos-termyn, ollvys aspiadow, neusen galaksi, outer space |
 Restrennow kelmys war Gemmyn Wikimedia | |
An Braster po Univers (an Ollvys e'n FSS (Kres)) ew dieneth a buptra, an efanvos, termyn ha’ga dalghow, oll furvow an planettys, ster, galaksis, an efanvos yntergalaktek, an perthyglow isatomek leha, mater, nerthedh, momentom, laghys fysegieth ha’n divarednow a’s rewl. Bettegens, possybyl ew dhe usya an term “braster” en kettesten dyffrans, ow kampolla dhe dybyansow pekar ha’n bes po natur, po en figurek dhe styrya ‘puptra’.
Herwydh an brassa radn a sterfysegydhyon, an braster a dhallathas gen an Bonk Bras.
An braster ew gweladow mar bell avel pel gen treuslinen a 28 bilvil parsec (91 bilvil vledhen-wolow), bes nag ew myns an braster kowal godhvedhys. Nag ew konvedhys mars eus dalleth ha diwedh dhe’n braster, po didhiwedh ew. Ma dhe skiensydhyon studhyes ha tybi a-dro dhe'n braster termyn hir. Kynnigys veu lies patron kosmoniethel rag may halja skiensydhyon displegya aga aspiansow a’n braster, ow komprehendya patronyow gen filosofers a Eynda ha Gres. Dres an bledhydnyow, ow sewya aspiansow moy manylys, Nicolaus Kopernikus a gonkludyas bos an Howl en kres an System howlek. Displegys veu y ober gen Tycho Brahe ha Johannes Kepler, a notyas bos resegvaow an planettys hirgelghek. Isaac Newton eth kabm pella en y dhisplegyans a ravedh. Kabm posek aral o konvedhes bos an System Howlek desedhys en galaksi a gomprehendyas bilvilyow a ster, an Hens Sen Jamys.
Woja hedna, diskudhys veu agan galaksi dhe vos onan emesk lies onan. Tybyansow arnowydh a lever bos le ages 5% a ronnedh an Braster mater normal pekar hag atomow. Mater tewl ha nerthedh tewl ew an brassa radn a'n Braster, herwydh an tybyansow ma. Ma dhe skiensydhyon restrys istori an Braster, mar bell avel an eylen gensa.
Ma an erthygel ma usya an Furv Skrifys Savonek a-barth Kernowek diwedhes.
|
Onan a'n kans erthygel posekka war Wikipedya yw an erthygel ma. |