Niger (avon)
.jpg) | |
| Sort |
avon  |
|---|---|
| Doronieth | |
| Gwlas |
Benin, Gyni, Mali, Pow Nijer, Nijeri |
| A-ugh an mor |
200 Meter |
| Kesordnogyon |
9.0972°N 10.6828°W, 5.3222°N 6.4692°E |
| Pennfenten |
Gyni |
| Aber |
Gulf of Guinea |
| Ragavonyow |
Sokoto River, Benue River, Bani River, Béli River, Gorouol, Sirba River, Tapoa River, Mékrou River, Dallol Bosso, Sankarani River, Milo River, Tinkisso River, Kaduna River, Sota River, Goroubi, Alibori River, Anambra River, Oli River, In-Ates, Gurara River |
| Kreungylgh |
2,117,700 |
| Hys |
4,180 |
| Diskargans |
8,630 |
| Lynnyn |
Kainji Lake |
 | |
Dowr Niger ew an ryvar hirra en Africa West gen hes a voy es 4180 km (2500 mildir). Hy shap ew crobmen, ow resek dhe'n noor-est dhort Gyni dre Mali ha Nijer, hag ena dhe'n soth-est dre Nijeria. Hy a dhrehedh an Mor Bras Atlantek avel delta meur ryb Morblek Gyni. Dowr Niger ew an treja ryvar hirra en Africa (woja an Nil ha Congo). An ragavon moyha ew an Benue.
Gerdardhyans
[golegi | pennfenten]Nag eus den veth a wor dhort pele teuth an hanow Niger. Nag eus dustuny ev dhe dhos dhort an ger Latin rag "du", niger, ha possybyl ew dell wrussa whithroryon tiryow a Bortugal usya an ger "negro", en neb cas. Ewedh, nag ew an Niger ryvar gans dowr 'du' avel an Rio Negro en America Dhyhow. Etho an brassa radn a dus a breder an hanow dhe dhos dhort pobel enejek an pow ma feu usys an hanow "Quorra" war vappys . Possybylta aral ew an lavar Tuareg gher n gheren, berrheys dhe 'ngher' po "niger", rag radn an ryvar ogas dhe Timbuktu.
Nijeria ha Nijer a gebmer aga henwyn dhort an ryvar. Ema dhe'n bobel a drig ryb an ryvar lies hanow ragty, pecara Jeliba ("ryvar bras" e'n yeth Manding), Isa ber ("ryvar bras" en Songhay), Oya (duwies an ryvar dhe'n dus Yoruba) ha Kworra po Quorra
Doronieth
[golegi | pennfenten]Cler ew dowr an ryvar gen saw 10% kebmys a wodhes avel an Dowr Nil. Hebm ew drefen bos pednfenten an Niger desedhys war garrygi pur goth ma nag eus meur a wodhes. Pecar ha'n Nil, ema an Niger ow kawas liv bledhydnyek tredh mis Gwydngala ha mis Me.
Gnas coynt a'n ryvar ew delta en pervedh an pow. Hebm a furv lebma thew an ryvar le serth a-dhesempis. Etho furvyes ew radndir a woveryow junys, kenegy ha lydnow an keth myns ha Pow Belg. Da ew an liv bledhydnyek rag peskecha hag abmeth.
,_scene_at_the_river_front.jpg)
|
Onan a'n mil erthygel posekka war Wikipedya yw an erthygel ma. |
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.