Natur

Dhyworth Wikipedya, an godhoniador rydh
Jump to navigation Jump to search
Dowrlam yn Park Kenedhlek Arthur's Pass
Lughes dres tardhans loskvenydh Galunggung yn 1982.

An geryow natur ha naturel yw usys rag oll an taklow nag yw gwrys gans tus. Taklow kepar ha kewer, organedhow, tirfurvow, korfow an efanvos ha lies moy yw rann a natur. Godhonydhyon a studh an fordh rannow natur dhe oberi. Taklow gwrys gans tus yw gelwys kreftus po artefaktow.

Skiensow naturel divers a studh rannow dyffrans a natur, rag ensampel ekologieth a studh rannow plansow hag enevales y'n kerghynnedh, ha bewonieth a studh pub eghen byw.

Tus yw rann a natur, herwydh unn welva, hag i yw an drigoryon moyha studhys war an planet. I a gesvyw an eyl gans y gila yn aga herghynnedh naturel pub dydh. Pub rann a natur, dhyworth an ayr dhe'n tir yw kesserghek. Medhegneth a studh tus yn yeghes ha kleves.

Herwydh gwelva aral, yma tus ha natur ow batalya. Natur yw gwelys gans tus avel asnodhow naturel. Tus a dregh gwydh, palas rag monyow ha tevi trevasow. Tanow, kerri tan ha gweythvaow a gaws defolyans. Tus yw da gansa gasa natur dibystik ha tus a vynn gul moy a dhevnydh a natur yn fenowgh a dhisakord, hag y'n bys arnowydh, gans moy a dus ha citys, an kudynnow a dheu ha bos moy sevur.

Natur, yn y styr moyha efan, a styr an bys fisegel dre vras. Hemm yw styr an ger herwydh fysegieth.

Styr dhe les a naturel yw "Ow hwarvos po oberi yn akord gans fordh ollgemmyn natur". An gerlyver Oxford Shorter English Dictionary a lever bos an ger usys y'n styr ma rag an kynsa tro yn 1477.

Gold piece.png Onan a'n mil erthygel posekka war Wikipedya yw an erthygel ma.