Linen Nans Tamar

Dhyworth Wikipedya, an godhoniador rydh
Jump to navigation Jump to search
Tren ow passya an Pons Albert Riel ogas dhe Aberplymm.

Linen hyns-horn a-dhyworth Aberplymm, Dewnens dhe Dhowrgonna, Kernow yw an Linen Nans Tamar, eus keffrys aswonnys avel an Hyns-horn Skorenn Dowrgonna. An linen a hol an Dowr Tamar rag lower y hyns 14 mildir (23 km) hir. Andredanhes yw an hyns-horn ha oberys yw pub servis gans Unsesow Liesplek Disel. Unn lergh yw oll an hyns-horn wosa Dibarthva Sen Budeaux.

Istori[chanjya | pennfenten]

An linen dhyworth Sen Budeaux dhe Bere Alston (an rann yn Dewnens) a ygeris dhe drethysi war nessa mis Metheven 1890 gans an Hyns-horn Diberth Aberplymm, Porthdhewnens ha Soth West (Plymouth, Devonport and South Western Junction Railway) avel rann a'ga hyns-horn yntra Lydford ha Porthdhewnens, esa ystynnans penn-hyns-horn an Hyns-horn Loundres ha Soth West.

An skorenn dhe Dhowrgonna (an rann yn Kernow) veu ygerys yn mis Meurth 1908 war gweli-kledhrennow an Hyns-horn Moon Kernow Est.

Yth esa'n hyns-horn war rol a dhegeansow profyes Derivas Eyl-Shapya an Hensi-horn Breten, mes ev o gwithys awos bos hedhas gans fordhow mar dhrog.

Jynnow an hyns-horn[chanjya | pennfenten]

Tren ow kortos dhe Worsav Dowrgonna yn Fosowdrake, Kernow.

Klas O2 an HLSW veu devnydhyes war an hyns-horn kyn an 1950ow. Wosa henna jynnow LMS Ivatt Klas 2 2-6-2T veu devnydhyes. Bys 1964 jynnow-ethen via eyl-worrys gans UowLD a oberas avel settys dew gocha.

Gonisyow yw oberys gans Hyns-horn Bras an West y'n jydh hedhyw ow tevnydhya Unsesow Liesplek Diesel Klas 150 po Klas 153.

Hyns[chanjya | pennfenten]

Kemenethow servyes: Aberplymm (ow komprehendya an ranndrevow a Borthdhewnens ha Sen Budeaux) - Bere Ferrers - Bere Alston - Kalstok - Dowrgonna.

Rann an hyns-horn yntra Bere Ferrers ha Kalstok yw war an konna tir Bere ynter an Dowrow Tamar (eus treusys gans an Bonsfordh Galstok) ha Tavy (eus treusys gans an Pons Tavy). An hyns-horn yw an snella fordh a vos dhe Aberplymm dhyworth an arenebedh Dowrgonna.

Kledhrennow an gemeneth[chanjya | pennfenten]

Tren ow treusi an Bonsfordh Galstok war y fordh dhe Bere Alston hag Aberplymm.

An Linen Nans Tamar yw onan a'n hensi-horn eus skoodhyes gans Keskowethyans Kledhrennow Dewnens ha Kernow, keskowethyans esa grondyes an 1991 dhe avonsya gonisyow hyns-horn y'n arenebedh. Avonsyes yw an linen gans fordhow avel euryadoryow rewlys ha gidyoryow an linen.

Yn mis Medi 2005 an hyns-horn veu ordenys avel Linen Kledhrennow an Gemeneth. Amkan an plott ma yw dhe wellhe an hyns-horn grondyes war y gostys ha rentys gwir.

Yn mis Meurth 2008 Konsel Dewnens a skoodhyas ragdres dhe eyl-ygeri an hyns-horn gwreydhek dhe Davistock.

Mirva[chanjya | pennfenten]

Gwelewgh ynwedh[chanjya | pennfenten]