Kneus

Dhyworth Wikipedya, an godhoniador rydh
Jump to navigation Jump to search
Gwel nes a gneus war leuv den.

Kneus yw kudhen tu a-ves a enevales. An kneus a eghennow diblans a viles yw pur dhyffrans. Yma blew po milgen war gneus a lies eghen a vil. Yma pluv war gneus ydhyn. Yma skans war gneus an brassa rann a buskes ha kramviles, kepar ha serf ha pedrevanes.

Yma blewennow munys dhe gneus a dus, herwydh usadow, hag ymons i kales dhe weles. Yma moy a vlew dhe nebes den, po blew esya dhe'y weles, ha le a vlew dhe re erel. An kneus yw an brassa organ yn korf den, yn gwiryonedh. Heb kneus, ni a wrussa bos klevesys gans virusow ha klevesow, ytho y wolghi yw posek rag agan yeghes.

Kneus bugh a yll bos gwrys dhe ledher. Ledher yw usys dhe wul eskisyow, seghyer ha pelyow.