Joan Petchey
| Joan Petchey | |
|---|---|
| Genys |
15 Hedra 1920  Truru |
| Mernans |
Metheven 1990 Sen Austol |
| Kenedhlogeth |
Kernow |
| Galwesigeth |
dyskador |
| Eseleth |
Gorsedh Kernow |
Joan Eileen Petchey (17 Hedra 1920 – Metheven 1990) o hembrenkyas a dhasserghyans an yeth Kernewek kewsys. Dyskador a Frynkek ha Kernewek o hi. Skoodhyer Mebyon Kernow o hi.[1]
Hi a veu genys an 17ves mis Hedra 1920 yn Truru. Hy thas, William, o lavuryas rag ser prenn; hy mamm o henwys Lillian (née Williams). Yn 1939 yth esa hi ow triga yn Chelsea, Loundres gans hy herens le may oberi hi avel jynnskrifer rag Tollva an Wlas. Yn 1958, yth esa hi ow triga yn Battersea gans hy mamm.
Benyn skiansek, pur freth o hi, gans gnas pur grev.[1] Yth esa tan yn hy holon rag an yeth. Elizabeth Carne, Bardh Meur, a leveris yn hy hever "hi o benyn a vri., benyn pur dha rag an Kernewek kewsys. Drefren, kyns henna, nag o kewsys Kernewek". Hi a ankombri an Bardh Meur Gunwyn orth y solempnita dre gewsel ganso yn freth hag ev heb Kernewek kewsys yn freth.[1]
Wella Brown, an yethydh, a dhyski anedhi yn Lyskerrys hag ev ow studhya rag an apposyans kynsa gradh. Yn bledhynnyow 60, hi a wre restra an Kylgh Keltek, bagas a dus a-dhyworth lies pow Keltek a skrifa an eyl dh'y gila y'n yethow Keltek. Hemm o posek rag studhyoron a Gernewek drefen nag usi an kesrosweyth y'n termyn na. Hi a restra skol hav yn Truru pub mis Est pan esa hi trigys ena.
Hi a veu urdhys avel bardh yn 1950 orth Dons Meyn Bosskawen. Elowen - Kernewek rag bagas a wydh Ulmus procera - yw hy hanow bardhek.
Elowen a verwis yn mis Metheven 1990, yn Sen Austel. Nicholas Williams, an yethydh, a leveris "pan verwis hi, my a wodhya fatel wrug an taves Kernewek kelli onan a'y kampyoresow moyha stout".
Yma'n erthygel ma owth usya an Furv Skrifys Savonek a-barth Kernowek kres.
|
Porth Kernow – Tre rag folennow ha klassys Wikipedya a-dro dhe Gernow. |
- ↑ 1.0 1.1 1.2 "Joan Petchy - Elowen" fylm gans Pellwolok an Gernewgva, 2020https://www.youtube.com/watch?v=2tbWSy0SY1M