Ibn Battuta

Dhyworth Wikipedya, an godhoniador rydh
Ibn Battuta
Genys 24 Hwevrer 1304 Edit this on Wikidata
Tangier Edit this on Wikidata
Mernans c. 1368, 1369 Edit this on Wikidata
Fez Edit this on Wikidata
Galwesigeth hwithrer tiryow, doronydh, skrifer, gwrier mappys, qadi, gwikor, viajyer, reythor Islamek Edit this on Wikidata
Aswonnys rag The Rihla Edit this on Wikidata
Pries first wife of Ibn Battuta Edit this on Wikidata

Abu Abdullah Muhammad ibn Battutah (أَبُو عَبْد الله مُحَمَّد اِبْن عَبْد الله اللَّوَاتِيّ الطَّنْجِيّ اِبْن بَطُّوطَة - ʾAbū ʿAbd Allāh Muḥammad ibn ʿAbd Allāh al-Lawātiyy aṭ-Ṭanjiyy ibn Baṭṭūṭah), 24 Hwevrer 1304 - 1368/1369, aswonnys dell yw usys avel Ibn Battuta, o skolheyk ha hwithrer tiryow Berber. Ev a viajyas yn efan a-dreus Afrika ha Asi, dre vras y'n bys Moslem.

An viaj kynsa[golegi | pennfenten]

Ibn Batuta

Genys veu yn Tangier, yn Marokk hedhyw. Esel o a looth Berber an Luwata.

Yn 1325, Ibn Battuta a asas cita Tangier war bergherinses dhe Vekka. Ev a sewyas arvow Afrika north dhe Cairo, ha viajya yn-bann an Nil kyns tremena an Mor Rudh. Ny alsa drehedhes Mekka awos rebellyans, ow tehweles dhe Cairo. Alena ev a viajyas dhe cita Damask, hag ena dhe Medina ha Mekka. Wosa an pergherinses ev a besyas viajya.

Ev a vysytyas ranndiryow Irak hag Iran, ow viajya dre Najaf, Basra, Isfahan ha Shiraz dhe Valdak (Baghdad), le may metyas an khan Abu Sa'id. Ena y vysytyas Mosul, Diyarbakır ha Tabriz kyns dehweles dhe Mekka yn 1328.

A-dro dhe 1331, yth eth war viaj tro'ha'n soth, ow vysytya Aden, ena a-hys arvor est Afrika dhe Mogadishu, Mombassa, Zanzibar, Kilwa ha citys erel. Ev eth a-dreus gorenys Arabi rag dehweles dhe Mekka.

An nessa viaj[golegi | pennfenten]

War y nessa viaj, yth eth der Ejyp, Surri hag Anatoli rag drehedhes an Mor Du, kyns sewya an Dowrow Dnieper ha Volga. Wosa drehedhes Bulgari ev eth yn-rag dhe cita Kargostentin, genesigva y hwrek, a-hys arvor north Mor Kaspi dhe Asi kres. Ena ev a vysytyas Buchara, Samarkand, Balkh, Kunduz ha Kabul ow trehedhes Dowr Indus.

Gwrys veu avel (qadi) breusyas gans Sodon Delhi, hag ena ev a spena eth bledhen (a-dro dhe 1334-1342). Apoyntys veu avel kannas dhe China. War an fordh di, ev a vysytyas an Maldivys, le mayth oberas avel qadi naw mis, vysytya Malabar, Sri Lanka ha Bengal, ena dhe Sumatra ha Kamboji kyns drehedhes Quanzhou yn 1346. Y viaj war-dhelergh a China eth dre Calicut, Hormuz, Baghdad ha Caïro, vysyt dhe Mekka arta, ena dhe enys Sardayn kyns dehweles dhe Varokk yn 1349, wosa ogas dhe 25 bledhen a viajya.

An tressa viaj[golegi | pennfenten]

Yn 1350, ev eth dhe Andalousi, ow vysytya Valensi ha Granada. Yn 1352-1354 ev a dhallathas war y viaj diwettha, ow tremena an difeythdir Sahara dhe Dhowr Niger, ha cita Timbuktu. Ev a dhehwelas dhe Fez yn Marok, le mayth oberas avel qadi arta. Ev a verwis a-dro dhe 1368 po 1369. Istori y viajow a veu skrifys ganso yn lyver gans an titel Rihla ("Viajow").


Onan a'n mil erthygel posekka war Wikipedya yw an erthygel ma.