Gorsav Tewynblustri

Dhyworth Wikipedya, an godhoniador rydh
Jump to navigation Jump to search
Skovva dhe Worsav Tewynblustri y' jydh hedhyw.
Klas 150 Unses Liesek Disel dhe Dewynblustri.

Gorsav a serv an dre a Dewynblustri yn Kernow yw Gorsav Tewynblustri. Termynus usi oberys gans Great Western Railway yw war an Linen Arvordiryow Atlantek a dreus Kernow Kres dhyworth Porth. Yma'n gorsav ogas dhe gres an drev ha's trethow ow kweles trenow dhyworth Porth, Aberplymm ha Loundres-Paddington (y'n hav). CrossCountry a ober trenow-hir war bennseythennyow y'n hav dhe Dundee ha Manchester.

Istori[chanjya | pennfenten]

Penn an linen dhe Dewynblustri.
Tren Tooth Bras First Great Western dhe Worsav Tewynblustri.

An kensa hyns-horn war an tyller veu oberys gans mergh war hyns-tramm a veu drehevys gans Joseph Treffry y'n 1840ow. Ystynnys veu an linen ma gans an Hyns-horn Monow Kernow yn 1874 ha trenow trethysi a dhallathas yn 1876. Hyns-horn an West Bras a oberas pub tren dhyworth 1877 ha prena Hyns-horn Monow Kernow yn 1896.

Yn hwreydhek, yth esa unn kay unsel ha tro-voos dhe Worsav Tewynblustri. Eyl-vyldyes veu yn 1905 gans dew gay ha tri lergh ha'n linen dhe Porthperan a ygeris y'n keth bledhen a styryas y hylli trenow ponya dhyworth Tewynblustri dhe Druru.

An penn-gay veu ystynnys yn 1928 ha 1935, ha'n nessa kay veu ystynnys yn 1938. An ystynnansow ma veu gwrys rag an trenow hir leun a havysi dhyworth Loundres ha pella dhe-ves. Yth esa lies lergh-gwitha rag an trenow ma ynter an servisyow ma.

Nyns o a gorsav gwithys yn ta, ha gweladow o hemma was an linen dhe Druru dhe dheges yn 1963. An garth gwara a dhegeas yn 1965 ha to kayys dew ha tri veu removyes yn 1964. Berrhes veu kay tri yn 1966 hag erbyn 1972 y feu removyes peswar lergh-gwitha. Degys veu an gist sinellow y 1987, an kledhrennow yn kay onan veu dideklys ha pub daffar sinnel keffrys. An lergh-gwitha finek veu degys keffrys. Gwithys veu an kledhrennow ryb tenewen kay tri bys dhe gres an 1990ow.

Servisyow[chanjya | pennfenten]

Termynus an skorr dhyworth Porth yw Twynblustri. Ev a handel lies tren yntra-cita y'n hav ha trenow leel maga ta.

Gweller ynwedh[chanjya | pennfenten]