Gorsav Logsulyan

Dhyworth Wikipedya, an godhoniador rydh
Jump to navigation Jump to search
Tren ow tiberth Gorsav Logsulyan. Gweladow yw kammas a-dhelergh dhe skovva an kay, ple'th esa Kay Dew ha'n loup-passya yn termyn eus passyes.

Gorsav a serv an bluw ha treveglos a Logsulyan yn Kernow Kres yw Gorsav Logsulyan. Desedhys yw war Linen Arvorduryow Atlantek ha dyghtyes yw gans Great Western Railway a ober trenow a hedh omma. Gorsav-govyn yw, ytho yma res dhe drethysi war an tren leverel dhe'n gwithyas-tren y fynnons diyskynna, yma res dhe'n re a vynn yskynna y'n tren sinya dhe'n lewyer.

Gorsav Logsulyan dhyworth an kay.

An kensa hyns-horn dhe ygeri yn Logsulyan o an Hyns-Tramm Treffry, mes yn 1874 yth ygeris an Hyns-horn Monow Kernow a wrug dhe hyns-tramm bos dres nivera. Trenow trethysi a dhallathas yn 1876, ow stoppya orth kay henwys Bridges (Ponsow). Eylhenwys veu an gorsav yn 1905 dhe Luxulyan (Logsulyan). Yth esa dew gay ha loup-passya dhe Logsulyan esa ystynnys yn 1910. Y'n keth bledhen, y feu removyes an dhew gay esa eylsettyes gans kay-enys yntra kledhrennow an loup. Yth esa garth-gwara a veu deges yn 1964, an keth bledhen avel stubb an Skorren Colcerrow, enep an eyl kay ha'n loup-passya.

Displegyans an tyller[chanjya | pennfenten]

Y'n jydh hedyw, yma unn kay dhe Logsulyan gans skovva hag esedhow. Yma gwel-kerri byghan a jun gans vownder a-dryv dhe'n tyller.

Gweller keffrys[chanjya | pennfenten]