Emperoureth Romanek Sans
 | |
| Sort |
pow istorek  |
|---|---|
| Henwys dhyworth |
Emperoureth Romanek |
| Penncita |
Wien, Praha, Regensburg, Wetzlar, Aachen, Praha |
| Poblans |
40,000,000 |
| Fondys |
2 Hwevrer 962 |
| Antempna |
Gott erhalte Franz den Kaiser |
| Yeth/ow sodhogel |
Latin, Almaynek, Italek, Chekek, Hungarek, Polonek |
| Doronieth | |
| War oryon |
Kemeneth Polonek-Lithuaniek, Ruwvaneth Hungari, Ruwvaneth Frynk |
| Kesordnogyon |
50.091352°N 14.422158°E |
| Gwleidyddiaeth | |
| Korf reythyansek |
Senedh Emperourethek |
| Sodh penn an Stat |
Emperoureth Romanek Sans |
 | |
| Kryjyans/Hanwans |
Eglos Katholik Romanek, Lutherieth, Calvinieth |
| Arghans |
ducat |
An Emperoureth Romanek Sans (Latinek: Sacrum Imperium Romanum; Almaynek: Heiliges Römisches Reich) o entitas politek yn Europa West, Kres hag an Est a veu displegys dres an Osow Kres A-Varr, yntra 962 OK ha 1806.
Pan verwis Karl Veur, y Emperoureth Frankek a veu res dh'y fleghes ha rynnys yn tri fow dyffrans: Fransia West, Lotharingia ha Fransia Est. An Emperoureth Romanek a dhallathas pan dheuth ha bos Otto I a Fransia Est an emperour yn 962. An emperours a lavasas bos erys Karl Veur ha bos an Emperoureth dallethys yn 800, pan dheuth ha bos Karl Veur Emperour Frankek. A-dhia yskynnans Otto I bys y'n 12ves kansvledhen, an Emperoureth o an kreffa myghternses yn Europa.
Nyns o an term poran "Emperoureth Romanek Sans" usys marnas a-dhia an 13ves kansvledhen, mes avowadewder an emperour o kelmys prest orth an tybyans a translatio imperii,. Henn yw, y hwre an Emperour synsi nerth gorughel herys a hen emperours Rom. An Emperoureth o onan a'n statys tanow yn Europa gans myghternses dewisek. An emperour o dewisys gans pennsevigyon ha justisyow an ranndiryow ha sitys y'n emperoureth, dre vras der an Bryns-Dewisysi almaynek. Herwydh usadow, er liniethek an kyns emperour a vedha dewisys rag an tron. Henn a styryas y hwre Teylu an Habsburgs rewlya a-dhia a-dro dhe 1280 bys yn kodh an Emperoureth yn 1806.
An 6ves a vis Est 1806, Emperour Francis II a geskaras an emperoureth wosa gwrians Keffrysyans an Ryn gans Emperour Frynkek Napoleon I an mis kyns.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |