Napoleon Ia a Bow Frynk
| Napoleon Ia a Bow Frynk | |
|---|---|
 | |
| Genys |
15 Est 1769  Ajaccio |
| Mernans |
5 Me 1821, 1821 Longwood House |
| Kenedhlogeth |
Pow Frynk |
| Galwesigeth |
politeger, emperour, sovran, breseler, hembrenkyas lu |
| Tas |
Carlo Bonaparte |
| Mamm |
Maria-Letizia Bonaparte |
| Pries |
Joséphine de Beauharnais, Marie Louise I, Dukes Parma |
| Kespar |
Emilie Kraus von Wolfsberg |
| Fleghes |
Napoleon II, Alexandre Colonna-Walewski |
| Pewasow |
krows veur an Ordyr Emperourethel a Grist |
| Sinans | |
Napoleon Bonaparte (15 August 1769 – 5 May 1821), po Napoleon 1a a Bow Frynk, o politeger frynkek ha hembrenkyas an lu a rewlyas Pow Frynk a 1799 dhe 1814 ha rag spys (an "Kans Dydh") yn 1815. Ev a dheuth ha bos Emperour a Bow Frynk ha Myghtern Itali avel Napoleon I. Orth penn y allos, yth esa maystri dhodho war veur a Europa.
Genys veu Napoleon yn Korsika dhe deylu jentyl. Ev a dhyskas kewsel Korsek kyns Frynkek. Ev eth dhe Bow Frynk ha dyski bos sodhek an lu. Ev a dheuth ha bos ledyer an lu posek dres an Kynsa Repoblek Frynkek. Yn 1799, ev a dhomwelas an governans yn coup d'état. Y'n kynsa le, y ditel o Konsul. Wosa pymp bledhen, ev a veu stallys avel Emperour Pow Frynk. Y'n kynsa deg bledhen a'n 19ves kansvledhen, Emperoureth Frynk a wrug an Breselyow Napoleonek gans lies pow. Wosa lies trygh, Frynk a dheuth ha bos pur bosek yn Europa.
Goryskyn frynkek a Russi yn 1812 a dheuth ha bos kynsa fethans Napoleon. Ny wrug y lu gwellhe wosa henna. Yn 1814 kesunyans erbynn y Emperoureth a omsettyas orth Frynk ha gwaynya. Napoleon a veu bansys dhe Enys Elba. Wosa le es bledhen, ev a skapyas ha dehweles dhe vos Emperour a Bow Frynk arta. Byttegyns, ev a veu fethys orth Batel Waterloo yn mis Gortheren 1815. Napoleon a veu bansys dhe Sen Helena, rewlys gans Breten Veur. Ev a verwis ena a ganker an torr, 51 y vloodh.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |