Dowrdresen tewydh

Klass	tresen
Askor	hydrographical information
	Restrennow kelmys war Gemmyn Wikimedia

Tresen a dhiskwedh chanjyow nivel diskargans avon dres termyn yw dowrdresen tewydh. Gweres meur yns i dhe awtoritas hag a assay lettya lanwesow. Possybyl yw ynwedh dhe wul dowrdresen dhe dhiskwedhes patron avon dres bledhen gowal.

Dres hager-awel po tewydh, y fydh an brassa rann a’n kodhans ow resek yn-nans an ledrow tro’ha kanel an avon. Tamm anodho a res avel res treustir, war an enep, ha tamm anodho avel res dowr dor (res gweres po res goles). Pan dhrehedh an avon, y fydh mogheans yn diskargans an avon. Ny hwer an mogheans a-dhistowgh, mes yma ardak termyn ynter an glawas moyha ha’n diskargans moyha. Awosa, an avon a dhehwel dhe’n nivel normal. Res goles ytho yw an dowr a res dhyworth an garrek weli po gweres yn lent, ha res tewydh yw henna a geworr gans an hager-awel hy honan.

Patron an dowrdresen

Patron dowrdresen a greg war niver a elvennow:

myns an kreungylgh.
mars yw ledrow an kreungylgh serth.
hin an ranndir (myns an glawas, ha tempredh ughel a wra kawsya meur a ethennans).
py bar a garrek gweli eus y’n kreungylgh (kerrygi dewanus, andewanus po tellek).
py bar a blansow usi ow tevi y’n kreungylgh (koswigow po gwelstiryow, po tir difeyth).
py bar a dhyghtyans dowrgylgh den a wra devnydh anodho (tennas dowr rag diwysyans ha treven, drehevel argeow hag erel).
mar wra den drehevel meur a dylleryow andewanus, rag ensampel fordhow tarmac, tohow legh ha drehevyansow po parkow kerri kestevyn.