Didhan

Dhyworth Wikipedya, an godhoniador rydh
Jump to navigation Jump to search
Boardmasters yw gool ilow ha mordardha yn Kernow hag yw furv a dhidhan.
Boardmasters yw gool ilow ha mordardha yn Kernow hag yw furv a dhidhan.
Gwydhbol yw furv a wari pur goth hag yw didhan rag dew dhen yn kettermyn.

Didhan yw furv a wrians a syns an attendyans a dus po ri plesour ha delit. Y hyll bos tybyans po oberen, mes moy menowgh yw yth yw onan a'n gwriansow po hwarvosow a wrug displegya dre vilyow a vledhynnyow yn arbennik rag synsi an attendyans a dus.

Kyn fe attendyans tus synsys gans taklow diblans awos bos dewisyow dyffrans dhe dus, an rann vrassa a dhidhan yw aswonys. Yma hwedhla, ilow, drama, dons hag eghennow dyffrans a wrythyans yn pub gonisogeth oll. I o displegys yn furvow ughel dre dermyn ha dos ha bos kavadow dhe dus oll. An argerdh ma re beu uskishes y'n dydhyow ma gans diwysyans didhan a wra ha gwertha askorrasow didhan.

Nas posek a dhidhan yw an dus usi ow mires po goslowes hag a dreyl diskwithans privedh yn didhan. Y hyll bos rann wodhevek dhe'n viroryon, kepar ha gans tus ow mires orth gwari yn gwariji, gwari kan, towlen bellwolok po fylm; poken rann an viroryon a yll bos gweythresek, kepar ha gans gwariow po sport. Didhan a yll bos poblek po privedh hag yssynsi gwrythyans formel ha skrifys, kepar ha gans keskanow po yn gwariji; po anskrifys ha heb ynniadow, kepar ha gans gwariow fleghes. Furvow moyha a dhidhan a dhuryas dres lies kansbledhen hag esplegya awos chanjyow yn gonisogeth, teknegieth ha gis. Fylmow ha gwariow jynn-amontya, rag ensampel, kynth usyons i myski (po media) nowyttha, a bes hwath hwedhla, diskwedhes drama ha seni ilow.

Yma nebes didhan, kepar ha dibennans poblek, hag yw erbynn an lagha lemmyn y'n brassa rann a bowyow. Gwriansow kepar ha skyrmya po gwaregieth, usys yn termyn eus passys yn helghi po bresel, a dheuth ha bos sportys miroryon. Y'n keth fordh, gwriansow erel kepar ha kegina a dhisplegyas yn gwrythyansow yntra tus galwesik hag yw darlesys rag didhan.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.