Fylm

Dhyworth Wikipedya, an godhoniador rydh
Jump to navigation Jump to search
GIF bewhes a gevres a skeusennow kemerys gans Eadweard Muybridge yn 1887. Y oberennow a yll bos gwelys avel fylmys rekordys kyns es fordh wiw rag aga diskwedhes ow kwaya.
GIF bewhes a gevres a skeusennow kemerys gans Eadweard Muybridge yn 1887. Y oberennow a yll bos gwelys avel fylmys rekordys kyns es fordh wiw rag aga diskwedhes ow kwaya.
Fram a vri a'n fylm taw Frynkek Le Voyage dans la Lune (Vyaj dhe'n Loor), gwrys yn 1902.
Fram a vri a'n fylm taw Frynkek Le Voyage dans la Lune (Vyaj dhe'n Loor), gwrys yn 1902.

Fylm yw eghen a art gwelesek usys dhe heveli prevyansow a wra keskomunya tybyansow, hwedhlow, omglewansow, tekter, kedhlow po ayrgylgh der usya avenyow gwaya. Yn ollgemmyn, an avenyow ma a gans son hag, yn tanow, kentrynnow erel. An ger "sinema" yw usys yn fenowgh rag styrya an diwysyans fylm, gwruthyl fylm ha'n furv art gwrys.

An awenyow gwaya a fylm yw gwrys dre skeusenna gwelow gwir gans kamera gwaya mir, dre skeusenna delinyansow po modelys munys gans gisyow ober bewheans hengovek, dre vewheans jynn-amontya hag imajys dinythys gans jynnys-amontya (yn Sowsnek: CGI, po dre gemysk a nebes po oll an gisyow ober ma.

Yn hengovek, y rekordir fylmys war fylm selluloyd der argerdh golowgymyk hag ena y'n diskwedhir dre jynn-towlyans war skrin vras. Y'n jydh hedhyw, yn fenowgh yth yw fylmow besyel yn tien dres an argerdh dien a askorra, lesranna ha diskwedhes. Yn hengovek, fylmys rekordys yn furv golowgymyk a yssynsas sonlergh optek (sonskrifans an geryow kewsys, ilow ha sonyow erel hag a gans an awenyow).

Fylmys yw taklow gonisogethel gwrys gans gonisogethow hag a wra dastewynya an gonisogethow ma ha'ga nasya. Furv art posek yw fylm, keffrys ha fenten dhidhan meurgerys ha fordh nerthek dhe adhyski tus. An sel gwelesek a fylm a re dhodho nerth ollvysel a geskomunyans. Nebes fylmys a dheuth ha bos meurgerys dres an bys der usya istitlow po treusleva dhe dreylya an keskows dhe yethow erel.

Ottomma nebes ensamplow a'n pyth yw fylm: fylm po 'movie' diskwedhys yn sinema, gwydhyow adhyskansek diskwedhys yn klass yn skol, gwydhyow tre a'n teylu, vlog war YouTube, argemmyn war an bellwolok, towlen An Mis, fylm berr diskwedhys yn Gool Fylm Cannes, gwydhyow artek ombrofys rag an Orsedh, hag erel.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.