George Pawley White
| George Pawley White | |
|---|---|
 | |
| Genys |
26 Me 1907  Kernow |
| Mernans |
24 Est 2006 |
| Kenedhlogeth |
Kernow |
| Galwesigeth |
dyghtyer arghanti, skrifer |
| Soodh |
Bardh Meur |
| Parti Politek |
Mebyon Kernow |
| Eseleth |
Gorsedh Kernow |
George Pawley White (26 Me 1907 – 24 Est 2006), o peswora bardh meur Gorsedh Kernow ha kesfondyer Mebyon Kernow. Gunwyn yw y hanow bardhek.
Genys veu yn Pennsans yn 1907, unnik mab dhe eyl dhemedhyans William John White, akontyas arghanti, ha’y wreg Ada Jane Pawley. Yth esa tri hanter broder ganso dhyworth demedhyans kynsa y das. Yth eth dhe skol Humphrey Davy yn Pennsans. Ev eth ha bos organydh Chapel Methodek Richmond pan o ev 12 bloodh. Wosa gasa skol ev a oberas avel skrifwas yn Arghanti Bolitho yn Pennsans. Erbynn 1939, skrifwas arghanti ova yn Lannstefan. Y’n keth bledhen ev a dhemedhis Ethel Maud Udy Rosevear yn Pennsans. Yth esa mab dhedha, Martin. Pawley White eth ha bos dyghtyer arghanti wosa henna.
Pregowther leg o dhe’n eglos Methodek. Ev re dhallathsa pregowtha yn 18 bloodh. Islewydh pur skoodhus a Gowethas Istorek Methodek Kernow o ev, hag ev a skrifas lyver henwys A Half-Century of Cornish Methodism, 1925-1975. Golegydh o a Lyver Hymnow ha Salmow Kernewek.
Ober a-barth Kernow
[golegi | pennfenten]Wosa gul servis kenedhlek y'n Ayrlu dres Nessa Bresel an Bys yn Eynda, ev a dhehwelas dhe Gernow, ha dalleth dyski Kernewek. Ev a veu berdhys yn 1947 gans an hanow Gunwyn warbarth ha’y wreg (Rosvur). Ev a servyas avel Bardh Meur a-dhia 1964 dhe 1970. Ev a ros poslev war an kylgh a verdh gans delanwes war bub aktivita gonisogethel yn Kernow dhe unya y bobel yn gonis dhe Gernow.
Ev a vysytyas Ostrali niver a weythyow, ow kemeres rann yn lies Kernewek Lowender ha pregowtha yn servisyow ena. Ev a ledyas Kuntellesow Bardhek yn Moonta ha Ballarat yn Ostrali ha dos ha bos esel rag bewnans a Kowethyans Kernewek Victoria hag Ostrali Soth.
Ev o onan a’n fondyoryon Mebyon Kernow yn 1947, hag ev a veu aga Alhwedhor lies bledhen.
Yth esa bern meur dhodho yn materyow istorek ha’y lyver A Handbook of Cornish Surnames yw gerys da hwath. Ev o Islewydh Fondyans Riel Kernow.
Mernans Gunwyn a verkyas diwedh oos. Ev o an bardh diwettha dhe aswon Henry Jenner, a veu deskrifys ganso o bos haval dhe semlant Moyses.
| Bleynyes gans: Talek |
Bardh Meur 1964—1970 |
Holyes gans: Trevanyon |