Vanessa Beeman
| Vanessa Beeman | |
|---|---|
 | |
| Genys |
15 Genver 1945  Nairobi |
| Mernans |
1 Genver 2020 Pennsans |
| Kenedhlogeth |
Nijeri |
| Galwesigeth |
skrifer |
| Soodh |
Bardh Meur |
| Eseleth |
Gorsedh Kernow |
Vanessa Beeman (Nairobi, 15 Genver 1944 – Pennsans, 30 Kevardhu 2019) o pymthegves Bardh Meur Gorsedh Kernow a 2006 bys yn 2009. Dyskader o hi ha skrifer yn Kernewek. Gwenenen yw hy hanow bardhek.
Genys veu hi avel Vanessa Hocking yn Nairobi, Kenya dhe gerens kernewek, ha megys veu yn Tansania. Hy thas Kaspar Hocking o skrifer yn Kernewek ynwedh. Hi eth dhe Skol Ughel Mkwawa yn Iringa.
Hi a dhallathas dyski Kernewek yn vystyansow menowgh dhe Gernow dhe weles hy thas gwynn Sidney Hocking. Yth esa dhodho lyvrow y'n yeth, y'ga mysk A Handbook of the Cornish Language gans Henry Jenner. Hi a studhyas hendhyskonieth kynsistorek yn Pennskol Mankenyon ha Lerpol. Wosa henna, hi a wrug PGCE yn Kembra ha dalleth dyski yn skol yn Truru. Diwettha, hi eth dhe Nijeri yn soodh yn Asran Keffrysek Hendraow, hag ena dhe Zaria dhe dhyski orth Pennskol Ahmadu Bello.
Yn 1986, hi ha hy gour Robert Beeman a dhehwelas dhe Gernow dhe vos yn ogas dh'y gerens.[1] Trigys o hi yn Kostentyn. Hi a'y thas Kaspar a junyas klass Kernewek Hilary Shaw yn Pennrynn. Y teuth ha bos bardh yn 1993 orth Kastel Bud yn Porthbud, der apposyans y'n yeth. Kannas an Bardh Meur o hi 2003-2006, ha Bardh Meur yn 2006 bys yn 2009. Hi o an nessa benyn kurunys avel Bardh Meur.
Wosa seyth bledhen owth oberi yn Kastel Lannvowsedh, hi a oberi avel skrifenyas a-barth negys ynjynorieth hy gour.
Hi a gernewekhas An Ky a Gerdhas bys dhe Loundres gans Ann Trevenen Jenkin (ISBN 0-9524601-4-9).
| Bleynyes gans: Tewennow |
Bardh Meur 2006—2009 |
Holyes gans: Skogynn Pryv 2009-2012 |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |