Trethans

Dhyworth Wikipedya, an godhoniador rydh
Jump to navigation Jump to search

Trethans, po goans, yw an argerdh rag terri boos bras dhe vegyans.

Y hwer yn teyr agwedh. Trethans jynnweythek yw an dorva fisegel a dharnow bras a voos dhe demmyn byghanna a yll bos usys gans ensayms trethus. Yn trethans kymyk, ensayms a wra terri boos dhe volekoulys byghan a yll bos usys gans an korf. War an diwedh, an sosten yw lenkys yn liv goos. Pan eus yn liv goos, an sosten yw dres dhe'n avi, gweythva gymygiethek an korf.

Wosa ni dhe gollenki boos, an boos a viaj dres piben geherek dhe'n dorr. Ena, skwattys yw yn kemyskans kepar ha kowl. An kemyskans a wra tremena y'n golodhyonen vyghan le may tremen temmyn munys boos dhe'n liv goos. An boos gesys hwath a dhe'n golodhyonen veur. Wortiwedh, skoll a dhiberth an korf. Dell yw usys, trethans a lenow a-dro dhe 18 our. Boos a wort y'n dorr a-dro dhe tri our.

Boos a enter an golodhyonen vyghan a'n dorr, Omma, y kemerir sosten dhe'n goos. Ena, boos a enter an gologhyonen veur. Dowr yw lenkys dhe-ves anodho. An boos gesys yw henwys kawgh. An kawgh yw gwithys y'n rever bys pan dhiberth an skoll dres an gwenn.