Tony Snell
| Tony Snell | |
|---|---|
 | |
| Genys |
1936  |
| Kenedhlogeth |
Ruvaneth Unys |
| Galwesigeth |
skrifer |
| Eseleth |
Gorsedh Kernow |
John Anthony Nicholas Snell po Tony Snell (genys 1936) o dyskader, yethor, skolheyk, kaner, den dowr ha bardh Kernewek genys yn Bromley, Pow Sows yn 1936. Ev a spena lies bledhen ow tyski yn Skol Sen Edward, Rysoghen. Ev a veu berdhys gans Gorsedh Kernow yn 1954 gans an hanow bardhek Gwas Kevardhu.
Y’n 1970ow ev a hembronkyas an bagas ilow gwerin Tremenysy. Ev a dreylyas niver a ganow dhe Gernewek, nebes anedha dhyworth Bretonek ow komprehendya Ryb an avon ha Kan an Cider. Ev o onan a’n berdh moyha a vri a skrif yn Kernewek. Delanwes posek war y ober bardhek o bardhonieth a-varr Kembra ha Breten Vyghan, hag ev a aswiwas an gis Kembrek traethodl dhe Gernewek. Delanwes aral o ilow, awos bos rann veur a’y ober yw kanow. Ev a waynyas lies kesstrif an Orsedh.
Yn 1979 ev ha Dr Fred Pargeter a dhallathas bagas donsya Morris yn Skol Sen Edward. An bagas a gomendyas ilow gwerin ha donsya hengovek sowsnek dhe niver a vebyon 14 – 18 bloodh. An bagas a dhuryas teyr bledhen ow kwari lies performyans yn Konteth Rysoghen ha Kernow (1980, 1981 ha 1982).
Ynspyrys veu lies dysker Skol Sen Edward ganso dhe gana ilow gwerin wosa Tremenysy, ow komprehendya Five Bar Gate, Treadmill ha’n Brown and Bitter Band.
Dyllys veu lies kan ganso yn An Lef a-dhia 1955, ow komprehendya ‘Mys Dhu’, ‘An Helgh’, ha ‘Pyu a vyn prena Breten?. Dyllys veu kuntellyver a’y ganow Pan dheuth an Glaw / When the Rain Came: Selected poems 1980 - 2005 in Cornish yn 2007 gans Kesva an Taves Kernewek.
Ev a verwis 1a a vis Hedra 2022 yn Rysoghen. Ev re beu bardh a’n Orsedh 68 bledhen.