Surrealydhieth

Ismael Nery: Surrealist Composition, 1929

Ober arnowydh en gis surrealydhieth; Taklow war dirwedh pecara hunros

Liwans fos gen Joan Miró

Fotograffy surreal

Surrealydhieth o gwayans art ha gonisogeth a dhallathas e'n 1920ow.

Usys veu an hanow rag an kensa pres en 1917. Guillaume Apollinaire a scrifas notednow an program rag an bale Parade, gwres rag Ballets Russes ha Serge Diaghilev. Kesoberyans o hebma war-barth ha Jean Cocteau, Erik Satie, Pablo Picasso ha Léonide Massine. Notednow an program a leveris:

"Dhort an keffrysyans nowydh ma... e hwarva, en Parade, ehen a 'super-gwiryoneth' ('sur-réalisme'), a welav avel dallethvos kevres a dhiskwedhyansow an spyrys nowydh ma".

An gwayans a devis dhort Dadaydhieth. Hebm o, emesk euthow Kensa Gwerryans an Bes, crodhvol ort dhistyr bownans gwarheys.

En kettermyn, ober Sigmund Freud a dhallathas effeythya bes art ha lien. André Breton o trenys en medhegieth brys, ha dres an gwerryans, ev a oberas en clavji lebma hwrug usya methodys Freud war glevyon gen 'shell-shock'. Breton a wrug tochya lies scrifer hag artyst woja an vresel.

Ober Freud a wrug poslev war an brys diswar ha'n vor' e hwrug tochya omdhegyans hag amovyans. Y deknek a usya dielvedna hunrosow a veu usys gen an surrealydhyon. Anjei a liwyas fantasis haval ort' hunrosow ha lymnansow heb vires ort' an canfas.

En 1924, Breton a scrifas Surrealist Manifesto, a leveris bos surrealydhieth:

"Awtomatieth sychologel en y studh pur, ha der ev den a alja menegi war anow, dre'n ger scrifys po en neb for' aral, gweythres brys. Dyghtys ew gen an brys, heb y rewlys gen reson, heb bern esthetek po moral".

Ema dhe oberyow surrealydh elven sowdhan: taklow koynt ew gorrys war-barth heb reson cler. André Breton a leveris bos surrealydhieth gwayans domhelus. A'n 1920ow en Paris hei a lesas a-derdro'n bes. Hei a gawas effect war fylmow pecar hag Angel's Egg hag El Topo.

Artystsn

Max Ernst, Salvador Dalí, Man Ray, André Masson, Joan Miró ha Marcel Duchamp ew emesk an artysts surrealydh moyha ajwonys.

Fylmow surrealydh

Man Ray a wrug an fylm surrealydh kensa: Return to reason (1923). Luis Buñuel ha Dali a wrug dew fylm surrealydh meur aga hanow: Un chien andalou (1929) ha L'Âge d'or (1930). Jean Cocteau a wrug tri fylm. ajwonys avel an Trias Orphik: Le Sang d'un poète (1930), Orphée (1950) ha Testament of Orpheus (1960), a gomprehendas omdhiskwedhyans 'cameo' gen Pablo Picasso.

Levrow

• Baznani, Achraf. History of Surrealism. Edilivre, France 2018. ISBN 978-2-414-21510-2
• Hughes, Robert. The shock of the new: art and the century of change. London: Thames & Hudson. Chapter 5 The threshold of liberty. ISBN 978-0-500-27582-5

Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.