Skantlyn:Kernow dre jons/4
Syllan yw enesek 28 mildir (45 kilometer) soth-west a Gernow. Yma pemp enys poblys hag a-dro dhe 140 enys vian heb poblans. An enesow gans poblans yw Enor, may ma'n brassa cita Hoe, Enys Scaw, Breghyek, Aganas ha Breyer. Yma dhe'n enesek poblans a neb 2,100, gans hanter an dus ow bos trigys e'n cita chyf Hoe.
Y feu dhia 1890 awtorita udnik dhe Syllan, mes yth yw prederys avel radn a Gernow rag neb taclow. Tus re beu trigys war an enesek dhia an Oos Men, hag an enesow a alja bos an Cassiterides (enesow sten) a veu visityes gans an Fenicyens ha henwys gans an Grekyon. Prederys yw yth o an enesek e'n termyn eus passyes udn enys henwys Enor, hag an mor a wrug drehevel ha livya an gonyow cresek. Hemm a alja bos udn fenten an whedhel Lethesow. An enesek yw kevrednys dhe Gernow dre mor hag ayr.