Rutherfordiom
 | |
| Ensampel a |
Elven gymyk, elven synthesek  |
|---|---|
| Klass |
alkan tremenyans |
| Dydhyas diskudhans |
1964 |
| Niver atomek |
104 |
| Aray an elektrons |
[Rn] 5f¹⁴ 6d² 7s² |
| Rann a |
period 7, bagas 4 |
 Restrennow kelmys war Gemmyn Wikimedia | |
Elven gemyk synthetek ew rutherfordiom, niver 104 e'n Vosen Beriodek. Y arwodh gemyk ew Rf. An hanow a enor an fysegydh a Vordir Nowydh, Ernest Rutherford (1871-1937), tas fysegieth modern, neb a dhiskudhas tybyans hanter-bewnans radyoweythresek ha'n elven radon, ha henwel dewydnyans α ha β. Ev a gavas an Pewas Nobel rag fysegieth en 1908.
Gwres veu rutherfordiom rag an kensa pres en 1964 en Fondyans Hwithrans Nuklerek en Dubna, Russi. An skiensydhyon a wrug profya an hanow kurchatoviom, owth enora Igor Kurchatov (1903-1960), pedn hwithrans nuklerek Russi. Skiensydhyon a'n Statys Unys a naghas dhe'n hanow ma, ow leverel bos anjei diskudhoryon an elven en 1969, en Universita Kaliforni, Berkeley. Anjei a brofyas an hanow rutherfordiom. An Kesunyans Keswlasek rag Kemygieth Pur ha Gweythresek (IUPAC) a erviras a-barth rutherfordiom en 1997. Pur radyoweythresek ew pub isotop, hanter-bewnans rutherfordiom-267 ew an hirra, a-dro dhe 80 mynysen.
Mirva
[golegi | pennfenten]-
Arlodh Ernest Rutherford a Nelson -
Igor Kurchatov -
Fondyans Hwithrans Nuklerek en Dubna
Ma an erthygel ma usya an Furv Skrifys Savonek a-barth Kernowek diwedhes.