Rugby

Dhyworth Wikipedya, an godhoniador rydh
Jump to navigation Jump to search
Rygbi
USO - Saracens - 20151213 - Maro Itoje attacking.jpg
Sort eghen a sport Edit this on Wikidata
Henwys dhyworth Skol Rugby Edit this on Wikidata
Doronieth



Skyrmys rugby unys

Sport yw Rugby. Henwys yw dhyworth Skol Rugby, yn le mayth o displegys. An hwedhel yw dell veu kuntellys an bel gans William Webb Ellis neb a dhewisas ponya gans an bel yn le hy fotya, herwydh usadow an oos na. Restrys veu rewlys rugby yn 1845, kyns ages rewlys pel droos (1863).

Yma diw eghen a rugby, rugby unys (gwariys gans bodhesigyon, yn arbennek tus jentyl y'n 19ves kansbledhen) ha rugby kesunyans (gwariys gans tus renkas oberi rag gober). Rugby unys yw moyha gerys-da ha sport kenedhlek Mordir Nowydh, Kembra, hag Enesow an Keynvor Hebask yw. Y hwarier rugby kesunyans yn kledhbarth Pow Sows, Ostrali, Mordir Nowydh ha Papoua Gyni Nowydh.

Y hwarier rugby unys gans 15 den pub tu. Synsys yw Hanaf an Bys pub peder bledhen, an nessa yw yn 2023. Yma 13 yn pub para rugby kesunyans, gans Hanaf an Bys y’n sport ma ynwedh. Synsys veu an diwettha yn 2017. 80 mynysen yw hys an gwari y’n diw eghen (40 mynysen pub hanter).

Gwerinek yw rugby yn Kernow. An chyf para yw An Vorladron Gernewek hag a wari y’n Kampyorieth sowsnek, nessa gris an wlas. Klubys gerys-da erel yw Resrudh (an Rudhyon), Lannstefan (An Dhuyow Oll), Kammbronn ha Porth Ia.

Kernow re waynyas Kampyorieth an Kontethow (Pewas Bill Beaumont) hweghgweyth, an termyn diwettha yn 2019. Wosa gwaynya an Kampyorieth yn 1908, an para veu dewisys rag an Gwariow Olympek. An para a gollas erbynn Ostrali mes kemeres an pewas arghans. Gwarioryon gerys-da dhyowrth Kernow o Bert ha Barney Solomon, Stack Stevens, Phil Vickery ha Luke Cowan-Dickie.