Bert Solomon

Bert Solomon
Genys	8 Meurth 1885  Resrudh
Mernans	30 Metheven 1961  Resrudh
Kenedhlogeth	Kernow
Galwesigeth	gwarier rugby unys
Sportys
Para	Klub Rugby Rysrudh, para kenedhlek Pow Sows rugby unys

Para Kernow y'n Gwariow Olympek, yma Bert Solomon owth esedha y'n rew kres war a dhyghow pella

Bert Solomon (8 Meurth 1885 – 30 Metheven 1961) o gwarier rugbi unys a Gernow. Lower a dus a dyb dell ev o an gwarier rugbi gwella dhyworth Kernow bythkweth. Y sleyneth war an park via keworra 1000 a dus dhe’n routh. Onan a'y vreder o Barney Solomon.

Den digoweth o Bert Solomon, neb a gara y gelemmi, dybri hogennow hag eva korev.

Ev a dhallathas gwari rag Redruth R.F.C. yn 1903, ow mos distowgh dhe’n para kynsa. Dewiswys veu ev rag Kernow skon awosa, hag ev a gavas 26 kapp rag Kernow. Kreswas o war an park. Krev, byw ha skav o, gans uskisheans tromm ha’n gallos dhe wertha fekler.

Ev o yn para Breten Veur yn Gwariow Olympek pan gollas Breten Veur dhe Ostrali y’n pennwari yn Loundres, 26ens a vis Hedra 1908. Ev a skoryas kyn kollas an para 3 – 32. Para Kernow a ganasedhas Breten Veur drefen i dhe waynya Kampyonsys an Kontethow erbynn Durham an keth bledhen. Solomon a skoryas diwweyth yn aga thrygh yn Rysrudh, 17-3.

Solomon a gavas y gapp kenedhlek unnik erbynn Kembra yn 1910, bledhen gynsa Twickenham. Y skoryas ev assay marthus yn aga thrygh 11-6. Kyn feu dewisys dhe wari rag Pow Sows teyrgweyth arta, ev a skonyas pub termyn. Pur ohelus o, ha nyns o da ganso gwari war-barth gwarioryon erel Pow Sows, adhyskys yn skolyow poblek a pennskolyow. Derivys yw ev dhe skonya 400 a sovrans owr dhe sina rag para rugbi kesunyans yn Pow Sows a’n gledhbarth. Ny wrug ev gwari bythkweth arta, rag Rysrudh, Kernow na Pow Sows.