Radulphus Ton

Radulphus Ton (a vywa a-dro dhe 1504) yw hanow possybyl war awtour Beunans Meriasek. Y hyllir redya an hanow yn mammskrif avel Dominus Hadton, Dominus Nadton, po Dominus Rad. Ton (hemm yw an styryans a yw gwell gans Ken George). Managh katholik o ev, dell hevel, yn Kollji Glasneth ogas hag Aberfal, mes Ray Edwards a brofyas y vos dhe wir triger a Gammbronn wostalleth. Ton a junyas niver a hwedhlow rag furvya Beunans Meriasek – hwedhel Sen Sylvester, hwedhel Massen Wlesik, hag erell – hag henna heb sleyneth lyennek, devri. Mes yma'n hwedhlow ma ow tiskwedhes omdalghow Kernowyon an oes na yn kever lies testenn: istori romanek, Yedhewon ha Muslimyon, renkasow.

Nyns yw usadow an gis lytherennans a eus dhodho, a-ban yw gwell ganso dhiskwedhes hys bogalennow der gesunyans a lytherenn holyes gans y — rag ensompel, tayl, breys, ponfoys yn le "tal", "brys", ha "poenvoes" (yn lytherennans KK arnowydh). Rag henna y tisputyas George bos Beunans Meriasek an fondyans rag Kernewek Kemmyn.

Porth Kernow – Tre rag folennow ha klassys Wikipedya a-dro dhe Gernow.