Aberfala

Dhyworth Wikipedya, an godhoniador rydh
(Daskevarwodhys dhyworth Aberfal)
Aberfala
Sort Tre Edit this on Wikidata
Henwys dhyworth Dowr Fala Edit this on Wikidata
Poblans 21,797 Edit this on Wikidata
Parth termyn UTC±00:00 Edit this on Wikidata
Doronieth
Gwlas Kernow
Arenebedh 7.79 km² Edit this on Wikidata
Ogas dhe Dowr Karrek Edit this on Wikidata
Kesordnogyon 50.15°N 5.07°W Edit this on Wikidata
Kod KSK E04013058 Edit this on Wikidata
Kod OS SW810325 Edit this on Wikidata
Kod post TR11 Edit this on Wikidata
Map

Aberfala (gwelewgh a-is rag henwyn erel) yw porth orth an arvor soth a Gernow ryb dhowr Fala. Meur y vry yw ystory morek an dre; porth Aberfala yw an downa in Europa west. Negys morek re dhyfegas ha tornyaseth yw moy dhe les hedhyw. An Gwithty Morek Kenedhlek a egoras yn Aberfala in mis Whevrel 2003. In 2004, th'era 18 300 a drigoryon yn Aberfala-Penryn. Lehe a wre poblans;[1] war-lergh an nyveryans in 2001, th'era poblans a 22 658 dhe Aberfala. Lemmyn yma 21,797 (2011)[2] a dus yn Aberfala.

Aberfala a wra radn a bastel-vro Aberfala ha Cambron yn Senedh an Ruwvaneth Unys, hag a Gerrier yn governans ranndiryel. Desedhans cres an Unyversytys Kesunys in Kernow yw Tremogh, por ogas hag Aberfala, hag y'n dre hy honan yma Coljy Unyversyta Aberfala (neb era Coljy Artow Aberfala bys 2005). Drefen an yonkers ow studhya y'n kyrhyn, Aberfala a'n jeves an moyha helyow dons yn Kernow, woja Tewyn Pleustry.

Nyns era mès nebes treven pyscadoryon kens 1613, pan fondyas Syr John Killegrew an dre arnowyth.[3] Castel Pendynas, war dhowr Fala, o onen a'n dywettha castelly fethys i'n Bresel Civil.

Th'era lies den ow pyskessa rag hern dhyworth porth Aberfala in termyn a veu.[3]

Henwyn[golegi | pennfenten]

An hanow Sowsnek rag an dre-ma yw Falmouth. Scriforyon hengovek a ûsyas an hanow ‘Falmeth’,[4] ‘Falmouth’ in termyn Kernowek dywedhes. I'n 20ves cansbledhen, an Dasserhyans a greatys hanow nowyth, ‘Aberfal’, ow qwil devnyth a wredh Keltek. War-lergh Craig Weatherhill, war an par aral, ‘Loghfala’ a via gwell a-ban nag eus ensompel a aber in henwyn tylleryow in Kernowek hengovek. En 2011 bagas arwodhyow Maga a wrug ervira war an hanow Aberfala.

Weatherhill a brofyas ynwedh an hanow ‘Arwennak’, mès yma'n hanow-ma ow styrya lebmyn parth bian a'n dre.

Hanow coth aral an dre o Penny-come-quick in Sowsnek. Yma radn ow leverel tro an hanow-ma devedhys dhyworth Peny-cwm-cuic (‘Penn an Comm Qwyck’),[5] mès war-lergh erel styr an hanow yw Sowsnek pur.

Pednventydnyow[golegi | pennfenten]

  1. World-Gazetteer.com
  2. Error: Unable to display the reference properly. See the documentation for details.
  3. 3.0 3.1 The Society for the Diffusion of Useful Knowledge. The Penny Magazine (1833-48). "Falmouth in 1837" Orth www.oldtowns.co.uk.
  4. Oliver Pender (1711). "Lether dha Wella Gwavas."
  5. Gen-UKI.

An erthygel-ma yw screfys yn Kernowek Standard.

Porth Kernow – Tre rag folennow ha klassys Wikipedya a-dro dhe Gernow.