Islam

Islam (arabek الإسلام, "obayans (dhe Dhuw)") yw fay unndywyel ha'n nessa moyha kryjyans y'n nor. Yma kryjygyon Islam, aswonys avel Moslemyon, ow krysi y tiskudhas Duw (po, yn arabek, Allāh) y volonjedh dhe Vahomm (c. 570–632 OK) ha profosi aral, y'ga mysk Adam, Abraham, Moyses, ha Yesu. Herwydh Moslemyon, an Koran yw kovnoten chif a dhiskudhans dhe dus.

Yma Islam ow dyski bos kryjyans Yedhewon ha Kristonyon furvow iselhes war gryjyans an brofosi oll. Yma diw skorren veur a Islam: Sunni ha Shia.

Y hyllir kavos sel a gryjyans moslemek y'n shahādatan ("dew dherivas"): lā ilāhā illā-llāhu; muḥammadur-rasūlu-llāhi — "Nyns eus duw saw Duw; Mahomm yw kannas Duw."