Pons Albert Riel

Dhyworth Wikipedya, an godhoniador rydh
An Pons Albert Riel ow treusi'n Dowr Tamar gans Pons an Tamar a-dhelergh dhodho.

Pons hyns-horn a dreus an Dowr Tamar ynter Aberplymm, Pow Sows hag Essa, Kernow, yw an Pons Albert Riel (Sowsnek: The Royal Albert Bridge). An desin heb y bar a gomprehend dew dreusfram lentek horn 455 tros-hys (138.7 meter) usi 100 tros-hys (30.5 meter) a-ugh dhe'n dowr, gans spanyow neshe plat-girder usadow.Hys kowal an pons yw 2,187.5 tros-hys (666.8 meter). Y kar Penn Hyns-horn Kernow dhe hag a-dhyworth Kernow. Yma'n pons ryb Pons an Tamar a veu ygerys yn 1962 dhe garya Fordh an A38.

Byldyans an Pons Albert Riel yn 1858.

An Pons Albert Riel a veu desinyes gans ynjynor a vri Isambard Kingdom Brunel. An arhwithra a dhallathas yn 1848 ha'n byldya a dhallathas yn 1854. An kensa span a veu tylleryes yn 1857 ha'n pons gorfennys a veu ygers gans an Pennsevik Albert war 2sa mis Me 1859. Brunel a verwis diwettha y'n vledhen na hag y hanow a veu gorrys a-ugh dhe'n portals dhe bub penn an pons dhe berthi kov anodho. Lavur a veu gwrys y'n ugensves kansvledhen dhe dhasworra'n spanyow neshe ha krefhe'n penn spanyow. An pons re dennas godrigoryon a-dhia y vyldyans hag ev re omdiskwedhas yn lies payntyans, skeusen, gidlyver, stamp-postya ha bath £2 an RU. Solempnyansow pennbloodh a hwarva yn 1959 ha 2009.

Gwelewgh ynwedh[golegi | pennfenten]