Park Kenedhlek Manu
 | |
| Sort |
park kenedhlek Perou  |
|---|---|
| Fondys |
1973 |
| Doronieth | |
| Konteth |
Madre de Dios Department, Cuzco Department |
| Gwlas |
Perou |
| Arenebedh |
17,163 km² |
| Kesordnogyon |
12.14°S 71.66°W |
 | |
| Studh ertach |
Ertachva an Bys UNESCO |
| Manylion | |
Park Kenedhlek Manú (Spaynek: Parque Nacional del Manú) yw park kenedhlek ha gwithva bewgylgh desedhys yn ranndiryow Madre de Dios ha Cusco yn Perou.
Kyns dos ha bos ranndir gwithys yn laghel gan governans Perou, ranndir pur anhedhadow o. Nebes anhedhadow yw bys hedhyw. Aswonnys o avel gwithva bewgylgh gans UNESCO yn 1977, hag yn 1987, henwys veu avel Ertachva an Bys UNESCO.
Hemm yw an park kenedhlek moyha yn Perou, gans arenebedh a 15,328km². An gwithva bewgylgh a gomprehend 2,570km² moy, gans 914km² moy vyth yn "Ranngylgh Gonisogethel" (a dhegemmer difresyans ynwedh) dhe wul somma a 18,811km².
Ekolegieth ha hin
[golegi | pennfenten]An park a gomprehend niver a ranngylghow ekolegel ynter 150m a-ugh nivel an mor yn kreungylgh an Amason dhe welstir Puna war ughelder a 4200m. Drefen an efander ughelder, an park a'n jeves bewdhiversedh fest divers. An diversedh a dirwedhow a askorr diversedh hin ynwedh, omgemeryanasek rag an bewdhiversedh ekolegel. An menedhyow a dhegemmer glawas a 1500–2000 mm an vledhen; an rann gres ynter 3000–3500 mm ha'n north-west a wodhev 8000 mm po moy. Le a law a godh ynter mis Me ha Gwynngala, gans tempredhow isella. Tempredh kresek an iseldiryow yw 25.6 °C, ha ranngylgh an Andes 8 °C.
Kevys yw moy ages 15,000 eghen a blansow yn Manú, gans moy ages 250 eghen a wydhen dhe bub hektar.
Vysytys an park gans ornitholegydhyon a bub rann a'n bys, awos y vos bewva dhe dres 1000 eghen a ydhyn, moy ages 10% a bub eghen edhen byw hedhyw.
An park a'n jeves diversedh ughel a vellkeynogyon tir, onan a'n ughella yn Amerika latin. Kevys yw 155 eghen a dhiwelvennoges, 132 eghen a gramviles, 210 eghen a buskes, 300 eghen a voryon, 650 eghen a hwiles, 136 eghen a nadres margh ha moy ages 1300 eghen a dykkiow Duw y'n park.
-
Tayra -
Jagwar -
Onan a'n avonow y'n park -
Makaw glas ha rudhvelyn -
Kowrdhowrgi an avon -
Sim kugolek krib -
Trogon pennlas -
Kondor an Andes -
Dowr Manú -
Koswik komol y'n park
