Park Kenedhlek Istorek Trakai

Park Kenedhlek Istorek Trakai
Sort	park Kenedhlek
Fondys	1992
Doronieth
Konteth	Trakai District Municipality
Gwlas	Lithouani
Arenebedh	82 km²
Kesordnogyon	54.6°N 24.9°E
Studh ertach	Ertachva an Bys UNESCO kynnigys
Manylion
	Restrennow kelmys war Wikimedia Kemmyn
	[edit on Wikidata]

Park Kenedhlek Istorek Trakai ew park kenedhlek en Lithuani Soth, onan a bymp e’n wlas. Apoyntys veu en 1992 rag gwitha cita istorek Trakai, 25km dhe’n west a Vilnius, penncita an wlas. Ev ew an udnik park kenedhlek istorek en Europa.

Tirwedh

Furvyes veu tirwedh an tiredh gen rewliv. Kadonyow breow a dereyl gen nansow keslinek. Lenwys ew an nansow gen lydnow, nebes anodhans kul ha down, nebes erel ledan ha bas. Ema 32 a lydnow e’n park. An brassa ew Lydn Galvė, gen 21 a enesow, hag ew junnys dhe deyr lydn aral.

Bewnans gwels

Posek ew an park rag ydhyn hag bronoges. Ma lies ekosystem dhe’n park, ow komprehendya kosow, kenegi ha lydnow. E’n kosow koth ema derow, owrwern, onn hag elow. 1324 a blansow, 42 a vronoges, 240 a ydhyn, 24 a buskes ha 17 a dhiwelvennoges ew rekordys e’n park. Bewva ew Lydn Plomėnų dhe lies medherik, gen meur a heyji en kenegen Plomėnų en ogas.

An Kastylli

Drehevys veu kastel war enys en Lydn Galvė gen an Arghdhuk Kęstutis e’n 1360ow, bes moghhes veu erbydn 1409 gen Arghdhuk Vytautas Veur. Keworrys veu kastel aral war gonna tir en ogas. Woja 1600, tabm ha tabm kastel an enys dheuth magoryow. Daswrys veu tredh 1946 ha 1961. Erbydn lebmyn, tednvosow tornyas pur bosek ew Kastel Enys Trakai, Kastel Konna Tir Trakai, Manerji Užutrakis ha’y lowarth ha’n lydnow hag ew usys rag golya ha revya.