Park Kenedhlek Chimanimani

Menydhyow Chimanimani
Sort	kadon menydhyow
Doronieth
Konteth	Mozambik, Manicaland Province
Gwlas	Zimbabwe
A-ugh an mor	1,413 Meter
Kesordnogyon	19.8667°S 33.1°E
Kadon	Eastern Highlands
	[edit on Wikidata]

Park Kenedhlek Chimanimani ew park kenedhlek en Zimbabwe est. Desedhys ew war an or tredh Zimbabwe ha Mozambik. Apoyntys veu avel park kenedhlek en 1949 gen governans Rhodesia a’n soth. Desedhys ew Gwithva Kenedhlek Chimanimani war du aral an or en Mozambik, etho an dhew bark a furv Parth Withans Treus-or Chimanimani. An parkow a gomprehend kadon a venedhyow (Menedhyow Chimanimani), radn a Uheldiryow an Est tredh ryvers Zambesi ha Save. Mont Binga (2436m) e’n park ew an uhella menydh en Mozambik ha sekond uhella en Zimbabwe. Menedhyow erel ew Mont Peza (2152m), Mont Dombe (2188m), Mawenje (2362m), oll en Zimbabwe, ha Mont Nhamadimo (2144m) en Mozambik.

Dororieth hag ayredh

An brassa radn a’n park ew keynow kandirit po kwartzit, alinys a’n north dhe’n soth, bes kevys ew shist ewedh. An ledrow war tu est an menedhyow a gontraweyt gwensow gleb dhort an Keynvor Eynda, etho pur lawek enjei. Bes ma ledrow an west en glawskeusva an menedhyow, etho seghha ew an tu ma. An seson glaw a bes tredh mis Du ha mis Ebrel. A-ugh 1500m, glaw a ell kodha neb termyn a’n vledhen, hag an seson segh a ell bos niwlek ha komolek. An tempredh kresek ew en-dadn 18°C, gen rew e’n gwav.

Godhvewnans

An park a gomprehend niver a vewvaow, kosow, savanna, gwelstiryow an menedh ha rosow. 70 ehen a blansow an menedh ew endemik dhe’n tiredh ma. Uhelder gwels an gwelsdiryow war gwartsit ew isel, bes gweresow war shist ew moy frothus, etho gwelsow e’n parthow ma ew moy uhel ha doos. Prysk a dyv war ledrow serth, hag a gomprehend grugow ha Proteaceae, pekar ha Protea caffra, ha krann maga ta. Gwedhigow miombo a worher an ledrow isella ha kosow obma hag ena (rag ensampel an wedhen Schefflera umbellifera).

Istori

Ma an trib N’dau ow triga e’n tiredh ma nanj ew kansvledhydnyow. An Kevambos Sows-Portugalek en 1891 a rannas an N’dau tredh an trevesigethow sowsnek (Rhodesia a’n soth) ha portugalek (Mozambik). Tiredh an parkow a wodhevis dres spysow Bresel Anserghogeth Zimbabwe (1965-1979) ha Bresel Vredereth Mozambik (1977-1992). Tardhednow ew kudyn meur hwath, en arbednek woja meur a law.