Jump to content

Opisthocomidae

Dhyworth Wikipedya, an godhoniador rydh
Hoatzin
Efander menhesennow:
Miocen – lemmyn 6–0 Ma
Hoatzin yn Park Kenedhlek Manu yn Perou]]
Klassans bewoniethek
Gwlaskor:
Fylum:
Klass:
Urdh:
Opisthocomiformes
Teylu:
Kinda:
Opisthocomus
Ehen:
O. hoazin
Hanow dewhenwek
Opisthocomus hoazin
(Muller, 1776)
Gwrandrans an hoatzin

An hoatzin, (Opisthocomus hoazin), yw eghen a edhen drovannel kevys yn gwern, koswigow war lannow avon ha mangrovys yn dowrgylghow an Amason hag Orinoco yn Amerika Dhyghow. Meur yw y hanow drefen bos dh'y ydhnigow krabanow war vesies aga eskelli.

Taksonomieth[golegi | pennfenten]

Hemm yw an unnik esel a'n kinda Opisthocomus (Hen Greka: "gols hir a-dryv", ow kampolla hy hrib bras), an unnik kinda y'n teylu Opisthocomidae. Y feu meur a dhadhlow ow tochya taksonomieth an teylu, ha nyns yw kler hwath.

Deskrivans[golegi | pennfenten]

Myns fesont yw an hoatzin, gans hys a 65 cm (26 meusva), konna hir ha penn byghan. Y enep glas yw heb pluv, ha'y dhewlagas gellrudh gans krib rudhek war y benn. An lost yw hir a gelldhu gans penn loosvelyn. Y geyn yw tewl ha'n torr loosvelyn.

Boos[golegi | pennfenten]

Losowdebrer yw an hoatzin, ow tybri del ha frooth. I a grambel yn kledhek a-hys skorrennow a'n moy ages 50 eghen a wydh dybrys gansa. Hwithrans yn Veneswela a dhiskudhas bos aga boos 82% del, 10% bleujennow, ha 8% frooth.

Kesparya[golegi | pennfenten]

Hoatzins a gespar yn sesonek, ow kesparya ha dedhwi dres an seson glaw. Ydhyn kowethyasek yw hoatzines, ow nythi yn trevesigethow byghan, ow tedhwi dew po tri oy yn neyth a welynni.