Numididae

Speckyar
Spckyar vasnettys
Klassans bewoniethek
Gwlaskor:	Animalia
Fylum:	Chordata
Klass:	Aves
Urdh:	Galliformes
Teylu:	Numididae
Agelastes Numida Guttera Acryllium

Speckyer ew ydhyn a'n teulu Numididae e'n urdh Galliformes. Endemek enjei dhe Afrika ha renkys enjei emesk an kottha a'n Galliformes. Anjei a esplegyas dhort remenans an Galliformes woja an Cracidae (kakalakas, gwanes, ha kurassowes) ha kens an Odontophoridae (rykennes sowl Vyrjyni). Keskelmys ew menhesen Eocen 'Telecrex' dhe'n speckyer. Telecrex a drigas en Mongoli, ha martesen o hendas an fesons. Speckyer arnowydh ew endemek dhe Afrika, bes an speckyar vasnettys a veueu komendys a-dreus an bes avel edhen dhov.

Omdhegyans

Ydhyn an teylu ma a dheber hwesker ha has. Anjei a neyth war an nor. Aga semlant ew haval dhe rugyerigow, bes heb pluvednow war aga fednow. Loos tewl po du ew aga fluv gen nabmow gwydn. Myns an ydhyn meur ma ew 40–71 cm (15+1⁄2–28 meusva) en hes, gen poos a 700–1,600 g. An yer a boos moy ages an kulyogyon, martesen drefen bos an organow dinythi mar veur.

Dell ew usys, speckyer ew unwregydhyon, ow parya rag bewnans. Kowethasek enjei, ow pewa en bagasow bian. Anjei a gerdh a-dhelergh enevales gre hag en-dadn bagasow a simes, lebma hwra anjei hwilas a-ji kawgh hag rag taklednow a godhas dhe'n leur dhort an gorher. Pur bosek enjei ort kontrolya teurek, preves, lokustes, skorpyons ha divellkeynoges erel.

Speckyee a ell neyja en fen.

Hanow skiensek	Kernowek	Sowsnek	Kembrek	Skeusen	Mappa gwandrans
Agelastes meleagrides	Speckyar vrodn wydn	White-breasted Guineafowl	Iâr gini fronwen		Afrika west
Agelastes niger	Speckyar du	Black Guineafowl	Iâr gini ddu		Afrika kres
Numida meleagris	Speckyar vasnettys	Helmeted Guineafowl	Iâr gini helmog
Guttera plumifera	Speckyar bluvek	Plumed Guineafowl	Iâr gini bluog		Afrika kres
Guttera pucherani	Speckyar grib	Crested Guineafowl	Iâr gini gribog		Afrika drovannel
Acryllium vulturinum	Speckyar vulturek	Vulturine Guineafowl	Iâr gini fwlturaidd		Afrika north-est

Ma an erthygel ma usya an Furv Skrifys Savonek a-barth Kernowek diwedhes.