Muhammad ibn Mūsā al-Khwārizmī

Muhammad ibn Mūsā al-Khwārizmī
Genys	محمد بن موسى الخوارزمي  c. 800 Khwarazm, Unknown
Mernans	c. 850 Baldak, Unknown
Trigva	Baldak
Galwesigeth	awgrymer, steronydh, doronydh, filosofer, treylyer, istorior
Arvether	Chi Skentoleth
Aswonnys rag	The Compendious Book on Calculation by Completion and Balancing

Muḥammad ibn Mūsā al-Khwārizmī (Persek: محمد بن موسى خوارزمی‎, Arabek: محمد بن موسى الخوارزمي‎) o kalkor ha steronydh Persian Islamek. Y krysir y feu va genys a-dro dhe 800 OK ha merwel yn 850 OK yn termyn an Emperoureth Abbasid.

Aswonnys o Al-Khwārizmī rag skrifa lyvrow a-dro dhe aljebra may hwrug ev dyski ynno bys an West a-dro dhe niverow Hindou ha fatel yns usys. Kevrohow Al-Khwārizmī dhe awgrym, doronieth, steronieth ha skiens mappa a fondyas an sel rag nowedhyansow yn aljebra ha trigonometry. Al-Khwārizmī a skrifas mosennow steroniethek desinys dhe rekna leow an planetys ha difygow.

Y ober a janjyas an godhvos a awgrym yn Osow Kres. Kalkoryon yn Europa a redyas y lyvrow ha dalleth usya niverow Hindou–Arabek yn le a niverow Roman. Esya yw gul awgrym gans niverow Arabek drefen nag eus na mann na talvosogethow le dhe niverow Roman. Ytho, ny yllir gul marnas kehavalennow sempel gansa.

Lyvrow Al-Khwārizmī o treylys dhe Latinek ha Greka. An ger 'awgrym' a dheu a-dhyworth y hanow, keffrys ha'n ger Sowsnek 'algorithm'. An ger 'aljebra' a dheu a-dhyworth 'al-jabr' hag yw a'n dalleth y lyver Al-Jabr Wal' Muqibla.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.