Morel

Dhyworth Wikipedya, an godhoniador rydh
Morel
Morel
(Atropa belladonna)
Klassans bewoniethek
Gwlaskor:
(anrenkys):
(anrenkys):
Eudicots
(anrenkys):
Asterids
Urdh:
Solanales
Teylu:
Kinda:
Atropa
Hanow dewhenwek
Atropa belladonna
Linneaus

Morel (Atropa belladonna) yw plans pubvledhynnyek smat pur aswonys. Esel yw a'n teylu Solanaceae, teylu a gomprehend an aval kerensa, aval dor ha plans oy yn-mysk lies eghen aral. Y hanow Sowsnek yw deadly nightshade.

Yn terowel, ev a devi yn Europa, Afrika north hag Asi. Erbynn hedhyw, kevys yw war bub brastir a-der Antarktika. Dell yw usys, ev a dyv y'n skeus, drefen nag yw da ganso golow howl didro. Da yw ganso gweresow rych yn kalciom karbonat, kepar ha war galgh.

Pur wenonek yw morel. Aswonys yw bos an brassa rann a'n plans gwenonek dres eghen. Fleghes re verwis wosa dybri mar voghes avel teyr moren. Unn dhelen a gomprehend gwenon lowr dhe ladha tevesik. An gwreydh a gomprehend an moyha gwenon. An elven weythresek yw atropin.

Effeythyow an gwenon[golegi | pennfenten]

Effeythyow atropin yw byw an lagas ygerys a-les, omdollynsi, ha kaletter gweles (kepar ha kaletter fogella war neppyth). An person effeythys a alsa kavos kudynnow sevel yn ewn, omglewes dell wrons i ow neyja ha bos kemyskys. Lamm an golon a dyv skonna ha skonna. Dasoberyansow dhe'n gwenon a gaws terthen, muskogneth, klamder ha brygh war an penn, konna ha brest. An person a alsa bos troblys, gans kaletter kewsel ha lenki. Klamder ha shorys a dheu kyns mernans.

Usys veu gans benenes y'n termyn usi passyes rag ygeri byw aga lagasow (supposys dhe's gul tekka), an reson rag an hanow skiansek 'belladonna', benen deg yn Italek. Leverys yw dell veu Emperour Augustus ledhys gans y hwrek, Livia, owth usya morel.