| Versyon Tonkin |
FSS |
|---|
|
Menja Tiz Kernuak buz gasowas
tha kanna vee gy el e glowas
Rag fyr ha mescack thew e gwreze
Ubba en Tale gullas en Beze |
'Menja tus Kernowek bes goslowes
dhe kana vy jei 'ell y glowes;
Rag fur ha muskok 'th ew e gwres,
obma en toll goles an bes. |
|
Rag me a venja cowas na peath
della na vee a denneth tha weath
Rag an pocar ez en pedd’n
ha peege gungans mee a vedd’n |
Rag me a venja kawas neppeth
'della na via a den veth dhe weth;
Rag an pekar eus en pedn,
ha peji ganjans me a vedn. |
|
Ma tha ni Materne da
ha maternes maga Ta
Besca Rig dane Roul en Gwalaze
buz nag ew an Pobel vaze |
'Ma dhe ni metern da
ha meternes maga ta
byskath wrug den rowlya en gwlas;
Bes nag ew an bobel vas. |
|
Eve Rig doaz thurt pow e whonnen
Tiz da gunju Leeas wonnen
Gorolyon da droaze e war dower
Sowias E vownas kerra vel ow’r |
Ev 'wrug dos dhort pow y honen;
Tus da ganjo, lies onen;
Gorholyon da a dhros e war dowr,
sawyas y vownans kerra 'vel owr. |
|
pereeg eve gurra Trooze war Tîr
Eve welcumbes me ore Gwîr
ha tha vethes tha Careesk
maga sowe besca ve pesk |
Pan wrug ev gorra troos war tir,
ev 'veu wolkobmys, me 'wor gwir,
ha dhe vedhes dhe Geresk,
maga saw [dell] byskath veu pesk. |
|
Enna na rig eve Trigass pel
Buz eath tha wheelas an peath o gwel
an Jooal rag gurra war e bedd’n
ha e weetha eve a vedd’n |
Ena na wrug ev trigas pell,
bes eth dhe hwilas an peth o gwell;
An Jowel rag gorra war y bedn
ha y witha ev a vedn. |
|
Mattern james rig quachas e stoppia
bus E na allja e theath tha gloppia
Eve rig quachas moaze tha an gwella ternuan
bus e gothas drez an ne wharn |
Metern Jamys 'wrug gwaytyas y stoppya,
bes ev na alja, ev 'dheuth dhe gloppya.
Ev 'wrug gwaytyas mos dhe’n gwella ternewen,
bes ev a godhas dres en duwon. |
|
Ha ul e poble poonias tha Gova
Hemma e bra gwarre why na gova
Ha e tha worthen eath e whonnen
rag cowas gen e gare Trip-Cunnen |
Ha oll y bobel 'bonyas dhe gova;
Hemma, [....] gwari, hwei na gova;
Ha ev dhe Wordhen eth y honen,
rag kawas gen y gar Tripconin. |
|
Enna e wraze Lowar wheal tha weel
Bowneege kelles Leeas meel
buz materen Wille wraze an wheal
ha fesias gy car vez an gweal |
Ena ev 'wras lowr hwel dhe wul;
Bownansow kellys, lies mil;
Bes metern Wella 'wras an hwel,
ha fesyas jei 'kerdh 'ves a'n gwel. |
|
Nenna e eath car rag Frink
rag debre an Tacklow ewe per trink
ma enna whath eve me ore gwîr
ha plodia gen an hagar veer |
Nena ev eth 'kerdh rag Frynk,
rag debri an taklow ew pur drynk;
'Ma ena hwath ev, me 'wor gwir,
ha plodya gen an hager vir. |
|
ha enna ni e ved’n e ara
amesk an poble ez e gara
ha moaz tha wellaz an peath ez gwreze
en pow an Flemmen amesk an Tîz |
Ha ena ni a vedn y ara,
en-mesk an bobel eus y gara;
Ha mos dhe weles an peth eus gwres,
en Pow an Flemen en-mesk an dus. |
|
Enna ma Leeas wonnen kelles
Kana geegans tha boaze gwelles
ha muy dale moaz tha an gletha stella
an lacca berra a mesk an gwellah |
Ena 'ma lies onen kellys,
kana [....] dhe vos gwelys;
Ha moy a dal mos dhe'n gledha stella,
an lacka a-berth en-mesk an gwella. |
|
Ma Materen ni doaz Tre beddn wave
ha moaze car arta pe teffa have
Dewe reffa e sowia Tre ha leaze
ha gweel e vownas mear a heaze |
'Ma metern ni 'tos tre 'bedn 'wav,
ha mos 'kerdh arta pan teffo hav;
Duw reffo y sawya, tre ha 'les,
ha gwul y vownans meur a hes. |
|
menja e buz gweel dua
an Streef ter ni ha’n Creege thua
Materen Frink thera vee a menia
na venja hedda whath gun greevia |
'Menja ev bus gwul diwedh
an strif dre ni ha'n [...];
Metern Frynk 'th erov vy ow menya;
Na venja hedna hwath 'gan grevya. |
