Medhegneth

Dhyworth Wikipedya, an godhoniador rydh
Jump to navigation Jump to search
Delow Asclepius, gans y welen, duw hen grek a vedhegneth y'n Gwithti Epidaurus yn Pow Grek.
Delow Asclepius, gans y welen, duw hen rek a vedhegneth y'n Gwithti Epidaurus yn Pow Grek.

Medhegneth yw an skiens ha praktis a witha godhevysi, menystra an diagnosans, ragwolok, lett, dyghtyans ha hebaskheans aga shyndyans po kleves, ha skoodhya aga yeghes. Medhegneth a yssyns dyffrans a braktisyow gwith yeghes esplegys dhe ventena ha daskorr yeghes der an lestans ha dyghtyans a gleves. Y'n jydh hedhyw, medhegneth arnowydh a us godhoniethow bewvedhek, hwithrans bewvedhek, genynnek ha teknegieth vedhek, yn tipek dre dhroggys po leuvvedhegneth, mes ynwedh dre sawments mar dhyffrans avel bryskosoleth, devisyow medhek, dewynnyans, hag erel.

Medhegneth re beu gwrys a-dhia osow kynsistorek mayth o sleyneth gans junyansow kemmyn dhe gryjyansow kryjyek ha filosofek a gowethas leel dredha. Rag ensampel, den medhegneth a wrussa gorra erbys ha leverel pysadow rag yaghheans, po hen filosofer a wrussa usya sygera goos herwydh an tybiethow glyborieth. Yn kansvledhynnyow a-gynsow, wosa an sordyans a skiens arnowydh, an brassa rann a vedhegneth yw kesunyans a sleyneth ha godhonieth. Kynth yw an gis ober gwrias sleyneth dyskys dre braktis, godhvos an pyth a hwer orth nivel gogellek ha molekulek y'n gwiasow gwriys yw aswonnys dre wodhonieth.

Furvow a vedhegneth kynswodhoniethek yw henwys lemmyn medhegneth hengovek po medhegneth werin. Dyghtyansow hengovek po ken dewisyow a vedhegneth gans kudynnow a sawder po effeyth yw gelwys pomstry.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png Onan a'n kans erthygel posekka war Wikipedya yw an erthygel ma.