Lurkyer

Ensampel a	ki krowsmegys
Restrennow kelmys war Gemmyn Wikimedia

An lurkyer (usys yw an ger 'lurcher' ynwedh) yw ki krowsmegys, sewyans a barya hond gweles gans ki a eghen aral, dell yw usys ki bugelya po dorgi. Yn istorek ki pocher po lader helgik o, mes yn termynyow arnowydh synsys yns i rag enevales dov, keun helghya po resek.

Istori

Ki krowsmegys yw an lurkyer, herwydh usadow yntra milgi ha ki deves. An ger lurkyer (Sowsnek: lurcher) a dheu dhyworth an ger Frynkek kresosel lerce, gans an styr 'skolkya'. Usys veu an ger y'n kynsa prys rag ki yn 1668. Re a lever bos an ger dhyworth an ger Romani lur, ow styrya lader.

Yth esa dyffrans laghel ha bewoniethel yntra milgi ha lurkyer. Difennys veu devnydh milgeun saw gans an klass ughella a's teva gober po tir lowr. Wosa 1389, nyns o gesys den vyth gans gober le rag helghya gans ki, ow komprehendya lurkyoryon.

Deskrivans

Dre vras, amkan an krowsmaga yw dhe gavos hond gweles moy skentel, eneval konnek ha gwiw rag helghya konines, skovarnogyon hag ydhyn helgik. Dres termyn, ladron helgik ha helghoryon a dhiskudhas bos krowsya certan eghennow gans keun gweles a askorsa ki gwell ran an porpos ma, drefen bos an lurkyer mar uskis ha skentel.

Usyow

Megys veu lurkyoryon dhe weres ladron kelgik ow helghya konines ha skovarnogyon. Y hyllir aga synsi rag bos enevales dov dhe deylu, po rag kesstrifa yn sportow kepar ha resek ha chasya skovarnogyon po dynyans.

Avel keun krowsmegys nyns usi klubbow keun posek kepar 'The Kennel Club' orth aga aswon avel eghen.

Mirva

• 

  Lurkyer hir y vlew

• 

  Enep tipek dhe lurkyer

• 

  Lurkyer kott y vlew ow resek

• 

  Lurkyer hir y vlew war venydh