Linen Baya Porthia

Dhyworth Wikipedya, an godhoniador rydh
Jump to navigation Jump to search
Trenow ow kortos dhe Worsav Porthia. Y hyllir gweles drehevyans an gorsav gwreydhek y'n gilva.

An Linen Baya Porthia yw linen hyns-horn 4.25 mildir (6.84 km) a-dhyworth Lannudhno dhe Borthia yn Kernow. Hi veu ygerys yn 1877 avel an hyns-horn 7 tros-hys (2,134 mm) kledhrennow ledan diwettha dhe vos drehevys yn Pow Sows. Treylyes veu an linen dhe eyj savonek ym 1892. Ev a bes dhe oberi avel hyns-horn an gemeneth a wra karya lower a drethysi ha havysi.

Rann an Keskowethyans Kledhrennow Dewnens ha Kernow yw an linen.

Istori[chanjya | pennfenten]

Gorsav Porthia gwreydhek.

An Hyns-horn Diberth Porthia a ombrofyas rag Reyth an Senedh yn 1845. Mes an kompani a dhenaghas y blott wosa reyth an Hyns-horn Kernow West dhe fyllel. Reyth nowyth veu kevys yn 1873 dhe vyldya an linen avel ystynnans an Hyns-horn Kernow West, esa rann Hyns-horn an West Bras dhe'n spys na. Byldyes veu an linen avel 7 tros-hys (2,134 mm) hyns-horn kledhrennow ledan, tressa kledhren veu addyes yn 1888 rag dhe wallesogi trenow 4 tros-hys 812 meusva (1,435 mm) dhe dhrehedhes an borthva dhe Lannanta. Tren kledhrennow ledan diwettha a bonyas war 20ves mis Me 1892, a-ban dhana pub tren re beu geyj savonek.

Yth esa traffik puskes y'n bledhynnyow a-varr, mes ny besyas ev. Traffik gwara a bonyas dhe Lelant ha Porthreptor bys mis Me 1956 ha dhe Borthia y honan bys mis Medi 1963.

Pub lergh-gwitha dhe Borthia veu kemerys dhe-ves yn 1966 ha pub tren war an skorren veu oberys gans unsesow liesek disel. Yn 1873, an kay dhe Borthia veu gwayes dhe wasa spas dhe bark kerri. Gorsav nowyth veu ygerys dhe Holanek Lannanta yn 1978 yntra Lannudhno ha Lannanta. Park kerri meur veu drehevys ena rag may halsa ev oberi avel Park ha Viaj rag Porthia.

Hyns[chanjya | pennfenten]

Tren dhe Worsav Holanek Lannanta.

Unn hyns yw an linen rag oll y hirder heb leow-passya. Ev a bon a-hys an Dowr Heyl ha'n arvordiryow wosa henna.

Kemenethow servyes gans an hyns-horn:

Lannudhno - An linen a dhiberth a-dhyworth an Penn-Hyns-horn Kernow omma.

Lannanta

Porthreptor

Porthia

Gonisyow[chanjya | pennfenten]

Tren ogas dhe Lannanta.

Pan yth esa'n hyns-horn oberys gans Trenow Wesseks (Wessex Trains), yth esa 26 trenow pub tydh. Hyns-horn Bras an West a dhalathas owth oberi an linen yn 2006 ha lehe niver an gonisyow gwav dhe 16 pub tydh, mes ev a oberas an 26 tren pub tydh y'n hav.

Trenow y'n hav yw oberys gans settys klas 150 dew-gocha hag y'n gwav gans unn-kocha klas 153. Nebes trenow a ober dhe ha dhyworth Pennsans rag may hallesog chanj an mayni.

Gweller ynwedh[chanjya | pennfenten]